Shayar majirasining tutquni nebijan dawutning anisi bilen söhbet

Hakim millet bilen mehkum millet, köchmen xelq bilen yerlik xelq arisida inaq jem'iyet berpa qilishning asan ish emeslikini Uyghur élining weziyiti her küni dégüdek yüzlerche pakitliri bilen ispatlimaqta.
Muxbirimiz shöhret hoshur
2009-02-04
Share
Uyghurlarni-tutqun-qilish-305 Shendung uniwérsitétida oquwatqan bir nechche Uyghur oqughuchilarning, chingdaw shehiridiki melum xitay saqchi da'iriliri teripidin qattiq urulup arqidin tutqun qilin'ghan körünüsh.
Süret boxun.com Tor bétidin élindi. Neshriyat hoquqi boxun.com Ning.

Bu nöwet shayarda yüz bergen 29 ‏ - yanwar majirasi we bu majirada tutqun qilin'ghan yash nebijan dawutning kechürmishliri ene eshu xil pakitlardindur.

Milliy majiralarda her waqit, heqiqet terepte turup majiragha arilashqanlar, Uyghurlarning depsende boluwatqan heq - hoquqi we izzet - hörmiti üchün kökrek kérip otturigha chüshkenler her xil ziyankeshlikke uchrimaqta.

Tutqun nebijan dawut, 2007 ‏ - yili bir qétim ene eshu xil majiragha arilashqan, xitay we Uyghur oqughuchilar arisidiki jédelni ajritiwétip yarilan'ghan. Shu qétimqi majirada xitay oqughuchilarning qingghiraq hujumigha uchrap bir barmiqidin ayrilghan؛ nebijan dawut a'ilisi sot meydanidimu utup chiqalmighan.

Nebijan dawut bu qétimmu yeni shayarda ‏ 29 ‏ - yanwar majirasi yüz bergendimu yene heqsizlikke shahid bolghan we oxshashla heqsizliqning tamashibini bolalmighan.

Néme üchün Uyghur élide yüz bériwatqan milliy majiralarda ziyankeshlikke uchrighuchi hem jazalan'ghuchi terep Uyghurlar bolidu? bu so'algha milliy majiralarni közitip turghan bir neper Uyghur mundaq jawab béridu:

Nebijan dawutning bir barmiqini pichaq bilen késip tashlighan xitayni eyibsiz dep qoyup bergen xitay qanuni, nöwette, dostlirining hayatini qutuldurush üchün majiragha arilashqan nebijan dawutni eyibkar dep qarap qamap qoyuqluq.

Hörmetlik oqurmenler, yuqiridiki awaz ulinishidin, shayarda yüz bergen 29 ‏ - yanwar majirasida tutqun qilin'ghan yash nebijan dawutning anisi bilen ötküzgen söhbitimizning tepsilatidin parchilar anglaysiler .

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet