شىۋېتسىيىدىكى ئۇيغۇرلار بىر قانچە يىلدىن بىرى بىر يەرگە توپلىشىپ ھېيت نامىزىنى بىرلىكتە ئوقۇپ كەلمەكتە. گەرچە شىۋېتسىيەدە تۈرك ۋە ئەرەب قاتارلىق نۇرغۇن مۇسۇلمان مىللەتلەرنىڭ چوڭ مەسچىتلىرى بولسىمۇ، ئۇيغۇرلارنىڭ يەنىلا ئۆز ئالدىغا بىر يەرگە يىغىلىپ، ھېيت نامىزىنى ئوقۇشى بىر تەرەپتىن شىۋېتسىيەدە ياشاۋاتقان ئۇيغۇرلارنىڭ مىللىي مەدەنىيەت، مىللىي ئاڭ ۋە مىللىي تۇيغۇ جەھەتتە بىرلىككە كېلىشىنى ۋە ئىتتىپاقلىشىشىنى ۋۇجۇتقا كەلتۈرسە، يەنە بىر تەرەپتىن ئەڭ مۇھىمى يېڭىدىن يېتىلىۋاتقان ياشلارغا ۋە كېيىنكى ئەۋلادلارغا ئۇيغۇرلارنىڭ مىللىي، دىنىي ۋە مەدەنىي كىملىكىنى تونۇتۇش ۋە ئۆگىتىش جەھەتتە ئۈلگە بولۇشنى مەقسەت قىلىدىكەن.