Gollandiyide yene bir qiz xitay konsulxanisigha tuxum étip namayish qildi

Hazir éniqsiz melumatlargha köre gollandiyide siyasiy panahliqi hel bolmay saqlawatqan iltijachi Uyghurlarning sani 200 din artuq dep texmin qilinmaqta.
Ixtiyariy muxbirimiz pida'iy
2012-09-20
Share
Dilraba-Ablet-305.jpg Siyasiy panahliq tiligüchilerni tutup turush lagéridin chiqiriwétilgendin kiyin ghemge patqan dilreba ablet xiyal sürmekte. 2012-Yili séntebir, gollandiye.
RFA/Pidaiy

Ulardin bezisi bir nechche yildin biri saqlash bilen kamplarda we daldilinip turuwatqan yerliride ün-tünsiz yashimaqta. Köpinchisi teshkilatlar bilen alaqe ornitip, qachan namayish teshkillense aktipliq bilen qatniship matériyal toplap, adwokatliri arqiliq munasiwetlik orunlargha yollashning koyida tépirlimaqta.

Gollandiyide 6-7 aydin biri parchilinip ketken birleshme partiyilerdin teshkillen'gen ijrachi hökümetning qaytidin tertiplinishi seweblik, xuddi tinch sudek jimip ketken panahliq ishliri sebirge köndürüwetken Uyghurlardin bezisining pighanini tashuruwettimu qandaq, yéqinda iltija telipi ret qilinip, kamptin heydep chiqirilghan bir Uyghur qizi xitay konsulxanisigha tuxum étip, sho'ar towlap namayish qilghan. Uzun ötmey saqchilar kélip mezkur qizni tutqun qilghan we qisqighina so'al-soraqtin kéyin qoyuwetken.

Siyasiy panahliq tiligüchi dilreba ablet gollandiyide turushluq xitay konsulxanisigha tuxum atmaqta. 2012-Yili séntebir, gollandiye.
Siyasiy panahliq tiligüchi dilreba ablet gollandiyide turushluq xitay konsulxanisigha tuxum atmaqta. 2012-Yili séntebir, gollandiye.
RFA/Pidaiy

Dilreba isimlik bu qiz xitay konsulxanisining aldigha néme üchün bardi? uning namayish jeryani qandaq boldi? saqchilar uni tutuwalghandin kéyin, néme dep qoyup berdi? u qorqtimu? pushayman qildimu? uning wapadar dosti uninggha qandaq yardem qildi?

Yuqiridiki awaz ulinishidin dilreba qiz bilen ötküzgen söhbitimizni anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet