'خىتاي سوتسىيالىزمنى ئۇيغۇر خەلقىنى يوقىتىش ئۈچۈن قورال قىلدى'

ئامېرىكا بىلەن خىتاي ئوتتۇرىسىدا دىپلوماتىك مۇناسىۋەت ئورنىتىلغان 30 يىل ھەققىدىكى مۇلاھىزىلەر داۋاملىشىۋاتىدۇ.
ﻣﯘﺧﺒﯩﺮﯨﻤﯩﺰ ﯞﻩﻟﻰ
2009-01-12
Share
Xitay-amerika-john-305 2008 - ﻳﯩﻠﻰ 8 - ﻳﺎﻧﯟﺍﺭﺩﺍ، ﺋﺎﻣﯧﺮﯨﻜﯩﻨﯩﯔ ﻣﯘﺋﺎﯞﯨﻦ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺟﻮﻥ ﻧﯧﮕﺮﻭﭘﺎﻧﺘﯧﻲ ﺑﯧﻴﺠﯩﯖﺪﺍ ﺋﺎﻣﯧﺮﯨﻜﺎ-ﺧﯩﺘﺎﻱ ﺩﯦﭙﻠﻮﻣﺎﺗﯩﻴﻪ ﺋﻮﺭﻧﺎﺗﻘﺎﻧﻠﯩﻘﯩﻨﯩﯔ 30 ﻳﯩﻠﻠﯩﻘﯩﻨﻰ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﯩﺘﯩﺪﻩ ﺧﯩﺘﺎﻱ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺘﻰ ﺷﯩﺠﯩﻨﭙﯩﯔ ﺑﯩﻠﻪﻥ ﺳﯚﻫﺒﻪﺗﺘﻪ.
AFP Photo

خىتاي تارىختىن بۇيان پۈتۈن ئاسىياغا ۋە دۇنياغا خوجا بولۇش ئىرادىسىدىن ۋاز كەچمىدى

گېرمانىيىدە تۇرۇۋاتقان ئۇيغۇر يازغۇچىسى كۆرەش ئاتاخان مۇلاھىزىسىدە، ئالدى بىلەن خىتاي دۆلىتىنىڭ تارىختىكى ئەنئەنىۋىي ئىدېئولوگىيىسىنى تەسۋىرلىدى.

كۆرەش ئاتاخاننىڭ قارىشىچە، خىتاي دۆلىتى تارىختىن بۇيان سىرتقا قارىتا ئىنسانپەرۋەرلىك، دوستلۇق، مۇھەببەت ۋە تىنچلىقنى چەتكە قاقىدىغان، يېقىن ئەتراپتىكى مىللەتلەرگە كېڭەيمىچىلىك قىلىپ، ئۇلارنى ئاسسىمىلىياتسىيە قىلىشقا ئۇرۇنىدىغان ئىدېئولوگىيىنى قوللىنىپ، ئاخىرقى ھېسابتا پۈتۈن ئاسىياغا ۋە دۇنياغا خوجا بولۇش ئىرادىسىدىن ۋاز كەچمىدى.

ئامېرىكا -خىتاي دىپلوماتىيە ئورناتقان 30 يىلدا، خىتايغا گۈللىنىش، كۈچلىنىش پۇرسىتى كەلدى، ئۇيغۇرلارغا كەلمىدى

ئامېرىكا -خىتاي دىپلوماتىيە ئورناتقان بۇ 30 يىلدا، ئامېرىكا خىتاينىڭ سىرتقا قارىتا كېڭەيمىچىلىك، ئىچكى جەھەتتە بېكىنمىچىلىك سىياسىتىگە تىنچ ھالدا تەسىر كۆرسىتىش بىلەن بىرگە، خىتايغا ئىقتىسادىي جەھەتتە گۈللىنىش، سىياسىي جەھەتتە كۈچلىنىش پۇرسىتى ئېلىپ كەلدى. ئەمما ئۇيغۇرلارغا بۇنداق پايدىلىق پۇرسەت ئېلىپ كەلمىدى.

خىتاي يەنىلا ئۇيغۇرلارغا دۈشمەنلىك قىلىش، كېڭەيمىچىلىك قىلىش ئەنئەنىسىدىن ۋاز كەچمىدى

يازغۇچى كۆرەش ئاتاخاننىڭ قارىشىچە، بۇ 30 يىلدا، ئامېرىكا ئۆزى ئويلىغىنىدەك مۇۋەپپەقىيەتكە ئېرىشەلمىدى. گەرچە خەلقئارانىڭ جىددىي تۈرتكىسىدە، خىتايلار ھۆكۈمەت ئۈستىدىن شىكايەت قىلالايدىغان، ھاكىممۇتلەقلىققە قارشى تۇرالايدىغان بولغان بولسىمۇ، ئەمما ئۇيغۇرلار ئۇنداق قىلالمايدۇ.

خىتايغا غەربنىڭ دېموكراتىيە ئەندىزىسى كىرمىدى. خىتاي يەنىلا ئۇيغۇرلارغا دۈشمەنلىك قىلىش، كېڭەيمىچىلىك قىلىش ئەنئەنىسىدىن ۋاز كەچمىدى. بەلكى ئۆزىنىڭ كېڭەيمىچىلىك ئارزۇ-ئىستەكلىرى ئۈچۈن داۋاملىق تەييارلىق قىلىۋاتىدۇ.

خىتاي 'سوتسىيالىزم' دېگەننى يەرلىك خەلقنى يوقىتىدىغان قورال قىلدى

يازغۇچى كۆرەش ئاتاخاننىڭ قارىشىچە، خىتاي ئۇيغۇرلارغا قارىتا ئەنئەنىۋىي كېڭەيمىچىلىكىنى يولغا قويدى. 'سوتسىيالىزم' دېگەننى ئۇيغۇر قاتارلىق يەرلىك خەلقنى يوقىتىدىغان قورال قىلدى.


پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت