Диярим вә сәлкин қатарлиқ уйғур тор бәтлириниң қурғучилири 'қара түрмиләр'дә тутуп турулмақта (1)

5 - Июл үрүмчи намайишидин кейин, уйғур аптоном райониниң рәиси нурбәкри, "уйғур биз, диярим, қатарлиқ уйғур тор бәтлири, '5 - июл намайиши' ниң келип чиқишида қутратқулуқ қилди" дәп, уйғур тор бәтлиригә һуҗум қилғандин кейин, уйғур тилидики 100 дин артуқ тор бекәтлири буйруқ билән тақилиш билән биллә, бу тор бәтләрниң қурғучилири вә башқурғучилири әһвал игиләш баһанисидә тутуп кетилгән иди.
Мухбиримиз миһрибан
2009-12-10
Елхәт
Пикир
Share
Принт
Сүрәт, дийарим ториниң қурғучиси дилшат пәрһат әпәндиниң 2005 - йили www.youku.com Ни зийарәт қилғандики сүрити.
Сүрәт, дийарим ториниң қурғучиси дилшат пәрһат әпәндиниң 2005 - йили www.youku.com Ни зийарәт қилғандики сүрити.
Рәсимни дилмурат пәрһат әпәнди пәминлигән.

Хәлқара инсан һәқлири тәшкилатлири һәм ғәрб демократик дөләтлириниң бесими билән "уйғур биз" тор бекитиниң қурғучиси, мустәқил тәтқиқатчи илһам тохти әпәнди қоюп берилгән болсиму, әмма диярим тор бекитиниң қурғучиси дилшат пәрһат, сәлкин тор бекитиниң қурғучиси нурәли ели, башқурғучиси муһәммәт вә башқа тор бәт башқурғучилири һәм бу тор бәтлириниң актип иштиракчилири болуп 100 дин артуқ уйғур яшлири техичә қамақханиларда тутуп турулмақта.

Диярим тор бекитиниң саһиби, дилшат пәрһат қатарлиқлар 7 - айниң 24 - күни тунҗи қетим хитай сақчилири тәрипидин тутулуп, 8 - айниң 2 - күни қоюветилгәндин кейин, 8 - айниң 7 - күни қайта тутуп кетилгән вә шундин буян қоюп берилмигән. Бәзи кишиләрниң инкас қилишичә, уларниң һазир қайси түрмидә қамақлиқ икәнлики техичә ениқ әмәс болуп, уларниң уруқ - туғқанлири билән көрүшүшигә рухсәт қилинмиған.

Игилигән учурлардин мәлум болушичә, улар "5 - июл үрүмчи" вәқәсигә қутратқулуқ қилған дегән җинайәт билән сотлиниш хәвипидә туруватқан дилшат пәрһатниң акиси, диярим тор бекитиниң чәтәлләрдики тор башқурғучилиридин бири болған дилмурат пәрһат әпәнди бүгүн әркин асия радио истансиси уйғур бөлүминиң зияритини қобул қилип, диярим қатарлиқ уйғур тор бәтлириниң уйғур мәдәнийитини тәшвиқ қилишни өзиниң асаси вәзиписи қилған болсиму, лекин һазир хитай һөкүмәт даирилири тәрипидин төһмәт қилинип, бу тор бекити һәм униң башқурғучилириниң һазир хәвп ичидә туруватқанлиқини баян қилди.

Дилмурат әпәнди өз баянида йәнә, хәлқара инсан һәқлири тәшкилатлириниң уйғур тор бәт қурғучилириниң нөвәттики әһвалиға җиддий қариши, уларға ярдәм қилип, уларниң хитайниң адаләтсиз сотида сотлинип кетишиниң алдини елишини мураҗиәт қилди.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (3)
Share

Исимсиз оқурмән

Җәмйәт бир туркум қәһриманларни тәрбийәләватиду

Dec 11, 2009 03:07 PM

Исимсиз оқурмән

Бичарә ﯪта-ﯪниларниң " һөкүмәтниң ﯪдиллқиға ишинмиз" дийиштин нимә ﯪмали болсун?!
Дилшат , өз вақитида уйғур толуқ оттурида оқуйдиған чағлиримизда ,мәндин бир қарар төвән оқуйдиған, чирайидин зирәклики чиқип туридиған бала иди...
Худа уни ﯪман қилсун! хитайниң қараңғу түрмилиридә наһәқ йитиватқан дилшат, муһәммәтҗан ﯪбдулла қатарлиқ йашлиримизни ﯪллаһқа тапшуримиз!һәммимиз бирлишип , уларни қутулдуруш үчүн әмәлй бир иш қилсақ болатти!!!

Dec 11, 2009 01:08 AM

Исимсиз оқурмән

Чәтәлдики нөвәттики әң моһим ишлиридин бири , түрмидикиләрни қутулдуруш болса болатти!!!!!!!!!!!!
Буниң үчүн , бизләрниң қандақ йаридими болса , тилвизийә нутиқи боламду йаки тор бәтләрдә пилан лаһийәси вә сәпәрвәрлик ишлирини қилған болса, биз вәтән сиртидикиләр түрмидики қериндашлиримизни қутулдуруш йолида ,қолимиздин килидиған һәр қандақ ишни қилаттуқ!

Dec 11, 2009 12:53 AM

Толуқ бәт