Uyghur hey'iti türkiyining “Dunya bulteni” tor békitining merkizini ziyaret qildi

Istanbulda yashawatqan Uyghurlardin hamut köktürk bashchiliqida 5 kishilik bir hey'et merkizi istanbulgha jaylashqan tor uchur mejmu'esi - “Dunya bulteni” tor békitining merkizini ziyaret qildi.
Ixtiyariy muxbirimiz arslan
2011.12.29
Share on WhatsApp
Share on WhatsApp
uyghur-heyiti-Dunya-bultenini-ziyaet-qildi-305.jpg “Dunya bulteni” tor békitining bashliqi akif emri Uyghur hey'itini ishxanisida qizghin kütüwaldi. 2011-Yili 29-dékabir, türkiye.
RFA/Arslan
2011‏-Yili 12‏-ayning 29‏-küni “Dunya bulteni” tor békitining bashliqi akif emri Uyghur hey'itini ishxanisida qizghin kütüwaldi. Uyghur hey'et akif emri ependige “Dunya bulteni” tor békitining Uyghurlargha köngül bölüwatqanliqi we Uyghur weziyiti toghrisida köplep uchur tarqitip kéliwatqanliqi üchün teshekkür éytidighanliqini bildürdi. Mezkur tor békiti ereb tili, in'gliz tili we türk tili qatarliq üch tilda téz uchur tarqitiwatqan tor béket bolup, yéqindin buyan Uyghurlar toghrisida köplep uchur tarqatmaqta.
akif-Emrige-uyghur-doppa-385.jpg
Hamut köktürk bashchiliqidiki 5 kishilik hey'et akif emrige Uyghur doppisi we süret hediye qildi. 2011-Yili 29-dékabir, türkiye.
RFA/Arslan


Ziyaret jeryanida hamutxan köktürk we tel'et öztürk qatarliq Uyghur hey'et akif emri ependige Uyghurlarning hazirqi weziyiti toghrisida melumat berdi we akif emri ependige Uyghur doppisi hem qeshqer héytgah meschitining ramkigha élin'ghan chong hejimlik süritini hediye qildi. Tel'et öztürk, ötken hepte qeshqerde ot quyup köydürüp tashlan'ghan nechche yüz yilliq tarixqa ige xaniqaning warisliridin biri bolup, u akif emrige bu heqte “Dunya bulteni” uchur tarqitip kishilerning diqqitini bu weqege tartqanliqi üchün alahide teshekkür éytti.

Dunya uchurliri uchur mejmu'esi “Dunya bulteni” tor békiti yéqindin buyan ziyaretchiliri eng köp bolghan we étiwarliq uchur tor béketlirining biri bolup, dunyaning her qaysi jayliridin kishiler mezkur tor béketni ziyaret qilidiken. Akif emri ependi Uyghurlarning weziyitini yéqindin bilidighan we köp yillardin buyan Uyghurlar toghrisida köplep maqale yazghan zhurnalisttur. U ilgiri “Qanal 7 téléwiziyisi” ning mudiri bolup xizmet qilghan, hazir “Yéngi shepeq” gézitide qoshumche maqale yézip élan qilip kelmekte.

Biz yene “Dunya bulteni” tor békitining merkizini ziyaret qilghan Uyghur hey'itidin hamut köktürk ependi bilen söhbet élip barduq.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.