Bir Uyghur: xitay konsulxanisining qurban héytliq ziyapitide shundaq azablandim

Melum bolushiche, yaponiyining osaka shehiridiki xitay konsulxanisi bu yilliq qurban héytni tebriklesh pa'aliyitige Uyghur sen'etkar senuber tursunni teklip qilish arqiliq yaponiyidiki bir qisim Uyghurlarni aldap élip kelgen.
Ixtiyari muxbirimiz qutluq
2012.11.30
yaponiye-qurban-heyt-senuber-305.png Ongdin solgha: naxshichi senuber tursun, mu'awin bash konsul qunduz yüsüp
Haji Qutluq Qadiri


Mezkur pa'aliyetken qatnashqan, emma özining nam sheripini ashkarilashni xalimighan osakadiki melum bir Uyghur bu qétimqi ziyapetke uqmay kélip qalghanliqini hemde buningdin bek azablan'ghanliqini bildürdi.

Yaponiyining osaka shehiridiki Uyghurlarning inkaslirigha qarighanda, xitayning osakadiki konsulxanisi 10 - ayning 26 - küni, osakadiki “Babulhayat” türk réstoranida, bash konsul lyu yirén we mu'awin bash konsul qunduz yüsüpning tekshilishi bilen osaka, kyudo we kobé qatarliq sheherlerde yashawatqan, yaponiye wetendashliqidiki Uyghurlargha we Uyghur élidin kelgen oqughuchilargha qurban héytni tebriklesh pa'aliyiti élip barghanliqi delillenmekte. Bu qétimqi pa'aliyetke qatnashqan, bir Uyghur bizni sin'alghu we süretler bilen teminlep, ziyaritimizni qobul qildi.

- So'al: siz xitay konsulxanisi teripidin orunlashturghan qurban héytni tebriklesh murasimgha qatnishipsiz? shundaqmu?

- Jawab: shundaq. Men qatnashtim.

Bu qétimqi pa'aliyetke hem hazir shangxey muzika institutida bilim ashuruwatqan, Uyghur élidiki el söygen naxshichi senuber tursunning qunduz yüsüpning alahide orunlashturushi bilen tuyuqsiz shangxeydin kélip qatnashqanliqi, senuber tursun özining ikki kün burunla yaponiyige baridighanliqini bilgenliki, ilgiri sürülmekte. Biz heqte uchur élish üchün, el söygen naxshichi senuber tursun'gha téléfon qilduq.

Epsus, senuber tursunning téléfoni élinmidi.

Melum bolushiche,2010 - yilidin bashlap xitay konsulxanisining mu'awin konsuli qunduz yüsüptin bashlan'ghan xitay konsulxanisida qurban héytni tebriklesh pa'aliyitining bu qétim tuyuqsizla türk réstoranigha orunlashturulushi we shundaqla naxshichi senuber tursunning qatnishi, yaponiyidiki Uyghur siyasiy közetküchilerning diqqitini tartmaqta. Bu heqte doktor turmuhemmet öz qarashlirini bayan qildi.

Biz bu qétimqi xitay konsulxanisining qurban héytni tebriklesh pa'aliyitige qatnashqan, emma özining nam sheripini ashkarilashni xalimighan osakadiki melum bir Uyghur bu qétimqi ziyapetke uqmay kélip qalghanliqini hemde buningdin bek azablan'ghanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.