Яврупада игилик тиклигән уйғурлар - "уйғур тиз тамақханиси"

Йеқинқи он нәччә йилдин буян яврупа тупрақлирида игилик тикләп, өз аилисиниң һөддисидин чиққандин сирт, вәтән - миллитиниң дәрдигә дәрман болушқа теришиватқан уйғурларниң сани көпәймәктә.
Ихтияри мухбиримиз әкрәм
2012-08-31
Share
germaniye-ablimit-tursun-uyghur-tiz-tamaqxanisi-305.png Германийиниң мюнхен шәһридики "уйғур тиз тамақханиси" ниң хоҗайини аблимит турсун әпәнди
RFA/Ekrem


Уйғурларниң ана вәтинидин һиҗрәт қилип, яврупа тупрақлириға көпләп йәрлишиш тарихиға узун йил болмиди. Шундақ болушиға қаримай, уйғурлар өзиниң теришчанлиқи, әқил - парасити билән өзлири яшаватқан дөләтләрдә башқа көчмән милләтләргә селиштурғанда яхширақ турмуш көчүрмәктә вә тез баш көтәрмәктә. Гәрчә чоң типтики завут, кархана қуруш дәриҗисигә йәтмигән болсиму, һәр түрлүк тиҗарәт орунлирини ечип өзиниң һәм аилисиниң һөддисидин чиққанниң сиртида, вәтән - миллитиниң ғемигә көңүл бөлуватқан, иқтисади җәһәттин өз қериндашлирини йөләватқан уйғурларниң сани аз әмәс.

Германийиниң мюнхен шәһридики
Германийиниң мюнхен шәһридики "уйғур тиз тамақханиси"

яврупада игилик тиклигән уйғурлар намлиқ бу программа арқилиқ, яврупа тупрақлирида ашхана, ресторан, тиз тамақхана, йимәк - ичмәк дукини қатарлиқ сода орунлирини ечип ронақ тапқан вә пул тапқанда өз миллитини унтуп қалмиған, һич болмиса, пәрзәнтлирини вәтән - милләтниң үмидигә лайиқ тәрбийиләш истикидә алий билим юртлирида оқутуватқан бир қисим уйғурларниң һаяти тоғрилиқ қисқичә мәлумат беримиз.

яврупада балдуррақ игилик тиклигән уйғурлардин бири, германийиниң мюнхен шәһридики "уйғур тиз тамақханиси" ниң хоҗайини аблимит турсун әпәндидур. Аблимит турсун әпәнди германийидики тонулған җамаәт әрбаби болуш билән биргә, д у қ мәдәнийәт - маарип комитетиниң мудири.

Төвәндә "уйғур тиз тамақханиси" ниң хоҗайини аблимит турсун әпәнди билән елип барған сөһбәт хатирисини аңлаңлар.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт