'Йеңисарда деһқан болмақ тәс' (1)

Һөрмәтлик оқурмәнләр, қәшқәр вилайитиниң йеңисар йезисидики бир деһқанниң өзи ишләп тарқатқан шикайәт филимидә көрситилишичә, йеңисар наһийисиниң деһқанлири алдинқи йили омумйүзлүк һалда җияңду теришқа мәҗбурланған; буниң билән биллә йәнә бараңлиқ қоғун теришқа буйрулған.
Мухбиримиз шөһрәт һошур
2009.01.07
Share on WhatsApp
Share on WhatsApp
Dixan-awazi-yengisar-305 'Йеңисарда деһқан болмақ тәс' син - алғусидин елинған бу сүрәттә, йеңисарлиқ уйғур деһқанлири өзлириниң шикайәтнамисини оқуватқан көрүнүш.
Оқурмәнлиримиз әвәткән 'йеңисарда деһқан болмақ тәс' намлиқ син - алғудин елинди.

Бу пилан әқлидин өтмигән деһқанларға наһийә рәһбәрлири ичкири өлкиләр билән көп миқдарда җяңдуға тохтам түзгәнликини билдүргән. Йил ахирида болса, җяңду мәһсулатлирини алидиған херидар тапалмиған. Деһқанларға еғир зиян болған.

Деһқанлар қандақ қилиш керәклики һәққидә йол сориғанда рәһбәрлик мәвҗут җяңдуларни юливетип , орниға қайта җяңду теришни буйриған. Деһқанлар бу әһвалға наразилиқ билдүрүп наһийигә барғинида мәсилини сораш әмәс, әксичә тутқун қилинған.

Хитай хәлқ җумһурийитиниң йеза игилик пән техникисини омумлаштуруш қанунида, деһқанларға һәр қандақ бир техникини мәҗбурлашқа болмайдиғанлиқи, деһқанларниң ишләпчиқиришта өзи халиған техникини қоллиниши керәклики бәлгиләнгән, мәзкур қанунниң 20 ‏-маддисида һәтта әгәр, қайси бир гуруһ яки тәшкилат деһқанларни пән- техника җәһәттә мәҗбурлиған болса, җавабкарлиққа тартилиши вә төләм төлиши керәклики бәлгиләнгән.

Бирақ йеңисар наһийисиниң партком секретари, өз дөлитиниң қануниға вә илмий териқчилиқ қанунийәтлиригә хилап һалда, деһқанларға вәзипә чүшүргән. Деһқанлар бу әһвални аптоном районға шикайәт қилиш үчүн үрүмчигә барғинида, йеңисар сақчилири арқисидин йетип келип тутқун қилған.

Юқиридики аваз улинишидин, мухбиримиз әркин таримниң бу һәқтики мәлуматиниң тәпсилатини аңлайсиз.

Һөрмәтлик оқурмәнләр, юқиридики аваз улинишидин, йеңисар деһқанлириниң шикайити һәққидики аңлитишимизниң биринчи қисмини аңлайсиләр. Давамини әтики программимизда аңлитимиз.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.