Dalay lama fransiye ziyaritini axirlashturdi

 Dalay lama, xitay - fransiye munasiwetlirining yiriklishishige seweb bolghan bu qétimqi fransiye ziyariti jeryanida, fransiye tashqi ishlar ministiri bernard kochner, fransiye kishilik hoquq ministiri rada yade we fransiye prézidénti sarkoziyning xanimi karla broni sarkoziy qatarliq fransiye dölet we hökümet rehberliri, siyasiy partiyilerning wekilliri shuningdek kishilik hoquq teshkilatlirining wekilliri bilen körüshken.

Xitay hökümiti dalay lama ning franisyge qaratqan ziyaritige bolupmu fransiye tashqi ishlar ministiri bernard kochner qatarliq fransiye hökümet rehberlirining dalay lama bilen uchrashqanliqigha qattiq naraziliq bildürdi.

Xitay tashqi ishlar minstirlikining bayanatchisi charshenbe küni béyjingda bergen bayanatida fransiye hökümitini xitay üchün nahayiti " muhim we sezgür mesile bolghan tibet mesilisige éhtiyatchanliq bilen mu'amile qilish toghrisida agahlandurghan.