Dalay lama fransiyidiki ziyaritini bashlidi

Fransiyide sheher bashliqining kütiwélishigha érishken dalay lama, peyshenbe küni fransiye tashqi ishlar ministiri bernard kushner bilen uchrashmaqchi.
Muxbirimiz eqide xewiri
2008-08-20
Share

 Bu arida xitay tashqi ishlar ministirliqining bayanatchisi ching gang, fransiyining tibet mesilisige nahayiti éhtiyatchanliq bilen mu'amile tutushi kéreklikini, bu ikki dölet munasiwitining ténch tereqqiyati üchün biwaste munasiwetlik ikenlikini tekitlidi.

Norwigiyidiki tibet awazi radi'osi seyshenbe küni, fransiyide ziyarette boluwatqan dalay lamaning, junggo hökümiti bilen öz wekilliri otturisida bu yil 7 ‏ - ayda ötküzülgen söhbet netijisidin özining nahayiti ümidsizlen'genlikini, shunga xelq'ara jama'etning üzlüksiz himayisige muhtaj ikenlikini bildürdi.

Fransiye agéntliqining bildürüshiche, dalay lama fransiye tashqi ishlar ministiri bernard kushner bilen körüshkendin sirt, fransiye prézidéntining xanimi bilenmu uchrishidiken. Közetküchilerning éytishiche, dalay lamaning fransiyide tashqi ishlar ministiri we prézidént sarkoziyning xanimi bilen körüshidighanliqi heqqidiki uchurlar, xitay tashqi ishlar ministirliqi bayanatchisi ching gangning ikki dölet munasiwitining tereqqiyati üchün, fransiyining tibet mesiliside diqqet qilishini qayta ‏ - qayta telep qilishigha seweb bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet