Dalay lamaning ten salametliki yaxshi

73 Yashtiki tibetlerning dahisi dalay lama peyshenbe küni özini bi'aram hés qilghanliqi üchün hindistanning mumbay shehiride doxturxanigha yatquzulghan idi.

Dalay lama ning bayanatchisi tenzin takla shenbe küni muxbirlargha bergen bayanatida, " doxturlar dalay lama ning salametlikide héchqandaq mesile yoqliqini. Peqetla biraz harghin ikenlikini bildürdi" dep körsetti.

Tenzin takla ning bildürüshiche, salametlik mesilsi'i sewebidin mékisko we dominika jumhuriyiti qatarliq chet döletlerge qaratqan ziyaritini shuningdek nurghunlighan uchrishi we yighinlargha qatnishishni bikar qilghan dalay lama, yekshenbe küni axshimi doxturxanidin chiqidiken we bir qanche waqit dem alidiken.

Fransiye agéntliqining xewer qilishiche, doxturxanida bolghanliqigha qarimay, shenbe küni tibetlik buddist rahiblar teripidin dunya jama'etchilikining diqqitini tibettiki kishilik hoquq depsendichilikige burash üchün, bashlitilghan 12 sa'etlik achliq élan qilish herikitige qatnashqan.

Xewerde éytilishiche, tibet milliy herikitining merkizi hésablan'ghan hindistanning daramsala shehiride 2000 tibetlik buddist rahib 12 sa'etlik achliq élan qilghan.