Dalaylamaning akisi, tibetning üzül - késil musteqilliq terepdari, wapat boldi

 Washin'gtondiki xelq'araliq tibetke yardem herikiti teshkilatining mexsus élan qilghan bayanatida körsitilishiche, dalay lama akisining wapatini 6 - séntebir küni tang seherde uqqan.

Dalay lamaning akisining diniy ismi taser rinpoche bolup, tuptén jigmé norbu uning esli ismi. U, inisi dalay lama bilen tibetning teqdiri mesiliside oxshimighan qarash we yolgha ige bolup, u bashtin axiri tibetning toluq musteqilliqini terghip qilip, özi biwasite xelq'araliq tibet musteqilliq herikiti teshkilatini berpa qilip, inisi dalay lamaning "ottura yol". Yeni tibetke aliy aptonomiye élish siyasiy yönilishige qarshi turghan. Uning terghip qilishiche, tibetning birla chiqish yoli bar bolup, u bolsimu, musteqilliq.

Tuptén jigme norbu 1922 - yili tibette tughulghan. 1950 - Yillardin kéyin tibettin ayrilip, uzun mezgil amérikining indi'ana uniwérsitétida tibetshunas proféssor bolup ishlep, indi'anada yashighan idi. Yéqinda 73 yashliq dalay lamamu éghir aghrip qalghan bolup, tibetlikler akisining ölümining uninggha rohiy zerbe bolushidin endishe qilidiken, dalay lama izchil halda xitay terep bilen sözliship, tibetke aliy aptonomiye élish hemde tibetke qaytishni ümid qilghan bolsimu, lékin ilgiri ötküzülgen söhbetler körünerlik netije bermigen.

Dalay lama wekilliri 10 - ayda yene bir qétim béyjing bilen sözlishish aldida turmaqta. Biraq, tibetlerning éytishiche, dalay lamaning akisi inisining béyjingdin söhbet arqiliq mesilini hel qilishqa ümid baghlimasliqni tewsiye qilghan iken.