بېيجىڭ ئولىمپىك مۇراسىمى يېپىلىش مۇناسىۋىتى بىلەن نېپالدىكى تىبەتلەر نامايىش قىلدى

بېيجىڭ ئولىمپىك تەنھەرىكەت يىغىنىنىڭ يېپىلىش مۇراسىمى بولۇۋاتقاندا نېپالدىكى تىبەتلەردىن خېلى كۆپ ساندىكى كىشىلەر پايتەخت كاتماندۇدا نارازىلىق نامايىشى ئۆتكۈزگەن.
مۇخبىرىمىز ئۈمىدۋار خەۋىرى
2008-08-24
Share

 ئامېرىكا ئاۋازىنىڭ خەۋەر قىلىشىچە، 2000 ئەتراپىدىكى راھىب، راھىبە ۋە بالىلار قاتناشقان بۇ نامايىشقا نېپال ھۆكۈمىتى رۇخسەت قىلغان.
 
نېپال چەتئەللەردىكى تىبەتلەرنىڭ مۇھىم بازىلىرىدىن بولۇپ، 20 مىڭدىن ئارتۇق تىبەتلىك ياشايدۇ، بۇ يەردىكى تىبەتلەر بۇ يىل 3 - ئايدا لخاسادا يۈز بەرگەن قارشىلىق ھەرىكىتىنىڭ باستۇرۇلۇشى مۇناسىۋىتى بىلەن داۋاملىق نامايىش ئۇيۇشتۇرۇپ كەلمەكتە. نېپال ساقچىلىرى بىر قانچە قېتىم نامايىشچىلارنى تارقىتىۋەتكەن ھەمدە بىر قىسىم كىشىلەرنى تۇتقۇن قىلغاندىن كېيىن خەلقئارا جەمىيەتنىڭ تەنقىدىگە ئۇچرىغان ئىدى.

بۇ قېتىم نېپال باش مىنىستىرى بېيجىڭنى زىيارەت قىلىپ، ئولىمپىكنىڭ يېپىلىش مۇراسىمىغا قاتناشقان. تىبەتلەرنىڭ نارازىلىق نامايىش پائالىيەتلىرى ئولىمپىك مۇراسىمى جەريانىدا داۋاملىق ئېلىپ بېرىلدى.

يەكشەنبە كۈنى ئامېرىكىنىڭ خىتايدىكى ئەلچىخانىسى ئۆتكەن ھەپتىدە بېيجىڭدا تىبەتلەرنى قوللاپ نامايىش قىلىپ، خىتاي ساقچىلىرى تەرىپىدىن تۇتقۇن قىلىنغان سەككىز نەپەر ئامېرىكىلىقنى دەرھال قويۇپ بېرىشنى تەلەپ قىلدى. تىبەتلەرنى قوللاپ تىنچ نامايىش قىلغان ئامېرىكىلىقلارنى تۇتۇپ سولاپ قويۇشى خەلقئارا ئىنسان ھوقۇقى تەشكىلاتلىرى ۋە ئامېرىكا ھۆكۈمىتىنىڭ تەنقىدىگە ئۇچرىغان ئىدى.
 
پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت