Dunya insan heqliri künide shiwétsiyide namayish

Bügün 10 - dékabir dunya insan heqliri küni hem bügün shiwétsiye xan jemeti penler akadémiyisi teripidin nobil mukapatigha érishküchilerge heshemetlik murasim uyushturup nobél mukapati tarqitip bérilidighan kün.
Muxbirimiz yalqun
2008-12-10
Share
Shiwetsiye-uyghur-insan-305 13 - May künidiki yighinda, xelqara kechürüm teshkilatining adwokati madilayna séitlétz xanim uyghurlarning insan heqliri ehwali heqqide melumat bermekte.
RFA Photo / Yalqun

10 - Dékabir shiwétsiyide yashawatqan Uyghurlar üchünmu alahide ehmiyetke ige bir kün bolup, her yili mushu küni shiwétsiyide yashawatqan Uyghurlar nobél sariyining yaki shiwétsiye parlaméntining aldigha yighilip, Uyghurlarning insan heqliri ehwalini namayish shekli bilen bildürüp kéliwatidu.

Her yili bu künde dunyaning her qaysi jayliridin nobél mukapatini tarqitish murasimigha qatnishish üchün kelgen méhmanlar bu orunlarni ziyaret qilip, qizghin qarshi élishlargha érishidu.Namayishning mushundaq muhim orunlargha orunlashturulushi Uyghurlarni ehwalini tonushturushta ehmiyetlik pursetler bilen temin etmekte.

Dunya insan heqliri küni munasiwiti bilen shiwétsiyide élip bérilghan bügünki bu namayish del shu meqsette shiwétsiye parlamint binasi bilen shiwétsiye padishah ordisining ariliqigha orunlashturulghan. Gerche bügün stokholimning hawasi nahayiti nachar bolsimu, namayish shiwirghanliq yamghurdiki soghuqqa qarimay belgilen'gen muddet buyiche élip bérildi.

Namayishni shiwétsiye Uyghur komitéti teshkilligen bolup, shiwétsiye Uyghur komitétigha yéngidin re'is bolup saylan'ghan mahinur xanim namayish heqqide toxtilip mundaq deydu.

Bügünki namayishning ehmiyiti heqqide toxtalghan dunya Uyghur qurultiyining bayanatchisi we shiwétsiye Uyghur komitétining mu'awin re'isi dilshat rishit mundaq deydu.

Bugünki bu namayishqa Uyghurlardin sirt shiwétsiyide yashawatqan mongghullarmu ishtirak qilghan bolup, shiwétsiye Uyghur komitéti shiwétsiyidiki mongghul teshkilatliri bilen izchil hemkarliship kelmekte idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet