Gérmaniyining yuqiri derijilik emeldari dalay lamani qobul qildi

 Birleshme agéntliqida körsitilishiche, gérmaniye tereqqiyat ministiri heydmariye wichzorék zé'ul (Heidmarie Wieczorek - Zeul) özining dalay lama bilen élip barghan mexpiy söhbiti heqqide toxtilip, söhbet jeryanida dalay lamaning neziridiki tibet weziyiti heqqide köp nersilerni biliwalghanliqini bildürgen hemde söhbetning tibet aptonomiyisi we xitay hökümitining dalay lama wekilliri bilen ötküzgen söhbitini chöridigen asasta élip bérilghanliqini qoshumche qilghan.

Xewerde bildürülishiche, gérmaniye tereqqiyat ministiri heydmariye wichzorék zé'ulning dalay lamani qobul qilishi gérmaniye hökümiti ichidimu her xil naraziliq pikirlirini qozghighan bolup, emma bash ministir an'géla mérkél xanimning bayanatchisi tomas steg, hazir latin amérikisida yette künlük dölet ziyariti élip bériwatqan mérkél xanimning tereqqiyat ministiri heydmariye wichzorék zé'ulning dalay lamani qobul qilish qarari bilen alaqisi yoq ikenlikini, emma mérkél xanimning bu ishqa qarshi emeslikini tekitligen.

Dalay lama ötken hepte peyshenbe küni gérmaniyige yétip kelgen bolup, ötken jüme küni xitay hökümiti resmiy naraziliq bayani élan qilip, gérmaniye hökümet emeldarliri dalay lamani qobul qilsa , bu gérmaniyining " bir junggo" siyasitini qollash meydanigha xilap ikenlikini otturigha qoyghan idi.

Melum bolushiche, köp sandiki gérmaniye hökümet emeldarlirining dalay lama bilen uchrishishni ret qilishi, gérmaniye ammisi arisida naraziliq qozghighan.