نېپال ساقچىلىرى 185 نەپەر تىبەتلىكنى قولغا ئالدى

تىبەت ئاپتونوم رايونى بىلەن چېگرىداش نېپالدىكى تىبەتلەرنىڭ ئۆز ئېلىنىڭ ھوقۇقلىرىنى قولغا كەلتۈرۈش ھەرىكەتلىرى بۇ 14 - مارتتىن كېيىن داۋاملىق ئېلىپ بېرىلماقتا. يەكشەنبە كۈنى خېلى كۆپ ساندىكى تىبەتلەر نېپالنىڭ پايتەختى كاتماندۇدىكى خىتاي كونسۇلخانىسى ئالدىدا نارازىلىق پائالىيەتلىرى ئېلىپ بېرىش پائالىيەتلىرى ئۇيۇشتۇرغاندا ، نېپال ساقچىلىرىنىڭ بېسىقتۇرۇشىغا ئۇچراپ، 185 نەپەر تىبەتلىك ساقچىلار تەرىپىدىن تۇتۇپ كېتىلگەن.
مۇخبىرىمىز ئۈمىدۋار خەۋىرى
2008.06.08

 رويتېرس ئاگېنتلىقىنىڭ خەۋەر قىلىشىچە، نامايىشچىلار تىبەت بايراقلىرىنى ۋە لوزۇنكىلارنى كۆتۈرگەن. بىراق، خىتاي ھۆكۈمىتىنىڭ ئاخبارات ۋاسىتىسى ھېسابلىنىدىغان شىنخۇا ئاگېنتلىقى "450 تىبەت مۇستەقىلچىسى نېپال ساقچىلىرى تەرىپىدىن تۇتقۇن قىلىندى" دەپ خەۋەر تارقاتقان بولۇپ، شىنخۇئانىڭ ئېيتىشىچە، نېپال ساقچىلىرى خىتاي ئەلچىخانىسىغا قاراپ ماڭغان تىبەتلىكلەرنى يولدا توسۇۋالغان.

نېپالدا ئالدىنقى ئايلاردا مۇشۇنداق خىلدىكى ئاياللار نامايىش يۈز بېرىپ، كۆپ ساندىكى تىبەتلىك ئايال تۇتقۇن قىلىنغان ئىدى. نېپال ھۆكۈمىتى تىبەتنى خىتاينىڭ بىر قىسىمى دەپ ئېتىراپ قىلىپ، تىبەتلىكلەرنىڭ ھەر قانداق پائالىيىتىگە يول قويماسلىق ھەققىدە خىتايغا ۋەدە بەرگەن ئىكەن. نېپالدا 1959 - يىلىدىكى تىبەت قوزغىلىڭىدا قېچىپ چىققان 20 مىڭ ئەتراپىدا تىبەتلىك ياشايدۇ.
ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
تىبەت خەۋەرلىرى
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.