Tibette herbiy qamal dawam qilmaqta

Fransiye axbarat agéntliqi bügün tibette herbiy qamal dawam qiliwatqanliqini xewer qildi. Xewerde bildürülishiche, xitay qoralliq qisimliri butxana etraplirini, türlük jama'et sorunlirini we yol doqmushlirini izchil türde nazaret astida tutmaqta.
Muxbirimiz shöhret hoshur xewiri
2008-08-25
Share

 Birqisim sezgür dep qaralghan jaylargha chet'ellik sayahetchilerning we muxbirlarning bérishi cheklenmekte. Fransiye axbarat agéntliqining muxbiri tibetliklerni ziyaret qilghanda, tibetlikler rayonning weziyiti heqqide söz échishtin özini qachurghan. Bir rahib muxbirning "sizche tibette muqimliq eslige keldimu" dégen so'aligha, " shundaq eslige keldi hökümet xalighinini qilalawatidu" dep jawab bergen.

Muxbir yene aptobus béketliride, saqchilarning jiddiy tekshürüsh élip bériwatqanliqini körgen. Yerlik ahaliler yene 14 ‏ - mart lasa weqesidin kéyin tibette zor miqdarda esker köpeytilgenlikini, bu qoshunning uzun mezgil turup qélishidin endishe qiliwatqanliqini bildürgen. Tibet diniy dahiysi dalay lama xitayning olimpiktin kéyin, tibetke 1 milyon xitay nopusi yötkeshni pilanlawatqanliqini bildürgen idi.

Olimpik teyyarliqi we olimpik mezgilide tibet we Uyghurlarning arqimu - arqa qarshiliqlirigha duch kelgen xitay hökümitining olimpiktin kéyin öch élish xaraktérlik zerbe bérish heriketlirini dawamlashturidighanliqi perez qilinmaqta.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet