Iyunda ötküzülmekchi bolghan xitay - tibet söhbiti kéchiktürülgen

 Dalay lamaning wekilliri bilen xitay emeldarliri " lxasa weqesi"din kéyin may éyining bashliri tunji qétim shinjénda uchriship, 11 ‏ - iyun küni béyjingda söhbet ötküzüshke kélishken idi.

Dalay lamaning yardemchisi tenzin talxa, söhbetning sichüendiki yer tewresh apiti sewebidin kéchiktürülgenlikini, lékin söhbetning mushu ay ichide ötküzülishini ümid qilidighanliqini bildürdi. U, roytérs axbarat agéntliqigha bergen bayanatida " biz söhbet waqtini qaytidin orunlashturuwatimiz. Eslidiki söhbet waqti 11 ‏ - iyun idi. Lékin bu kéchiktürüldi " deydu.

Xitay tashqi ishlar ministirliqi bayanatchisi buningdin bir qanche künler ilgiri söhbetning kéchiktürülüsh éhtimali barliqidin bisharet bergen idi. Tibet sergerdan hökümitining bayanatchisi toptin sampél peyshenbe küni söhbetning tézrek ötküzülüshini ümid qildi.

Shénjindiki söhbetke qatnashqan dalay lamaning wekili lodi gyari, shénjindiki söhbette tereplerning kélechekke munasiwetlik konkrét pilanlirini almashturghanliqini bildürdi. Xitay hökümiti bir tereptin dalay lamani bölgünchilik bilen eyiblise, yene bir tereptin dalay lamagha söhbet ishikining ochuqliqini eskertmekte.