Д у қ пешқәдәм төһпикарлар вә паалийәтчиләргә медал тәқдим қилған

Ихтиярий мухбиримиз әркин тарим
2022-03-15
Share
Д у қ пешқәдәм төһпикарлар вә паалийәтчиләргә медал тәқдим қилған Д у қ ички ишлар комитетиниң мудири бәхтияр бөрә әпәнди пешқәдәм инқилабчи вә язғучи әхмәт игәмбәрди әпәнди билән язғучи сөйүнгүл ханимға медал бәрди. 2022-Йили 12-март, австралийә.
RFA/Erkin Tarim

Уйғур мәсилисиниң хәлқаралишишиға әгишип, дуня уйғур қурултийи уйғур дәвасиға төһпә қошқан дуняниң һәр қайсий җайлиридики паалийәтчиләргә медал тәқдим қилди. Бу мунасивәт билән 2022-йили 3-айниң 12-күни австралийәниң аделайд шәһиридә мурасим өткүзүлүп, пешқәдәм инқилабчи вә язғучи әхмәт игәмбәрди әпәнди билән язғучи сөйүнгүл ханимға медал берилди.

Дуня уйғур қурултийиниң рәиси долқун әйса әпәндиниң тәшәббуси билән ички ишлар комитетиниң мудири бәхтияр бөрә әпәнди прагада чақирилған 7-нөвәтлик вәкилләр қурултийиниң вәкиллири билән мәхсус йиғин өткүзгән. Мәзкур йиғинда қурултайға баралмиған вәкилләрниң гуваһнамиси тарқитип берилгән, шундақла бундин кейинки хизмәт пилани һәққидә музакирә елип берилған.

Йиғинда алди билән бәхтияр бөрә әпәнди сөз қилип, әхмәт игәмбәрди әпәнди билән сөйүнгүл чанишеф ханимниң өмүр баяни вә шәрқий түркистан дәвасиға қошқан төһписигә юқури баһа бәргән. Шундин кейин 22 дәк вәкилгә гуваһнамилири тарқитип берилгән.

Д у қ ниң 7-нөвәтлик вәкилләр қурултийиға баралмиған вәкилләрниң гуваһнамиси тарқитип берилди. 2022-Йили 12-март, австралийә.
Д у қ ниң 7-нөвәтлик вәкилләр қурултийиға баралмиған вәкилләрниң гуваһнамиси тарқитип берилди. 2022-Йили 12-март, австралийә.
RFA/Erkin Tarim

Д у қ бәргән медални тапшуруп алғандин кейин, әхмәт игәмбәрди сөз қилип, өзиниң миннәтдарлиқини билдүргән. У сөзидә д у қ ниң хәлқарада уйғурларға вәкиллик қиливатқан әң муһим тәшкилат икәнликини, өзиниң 2004-йилидин буян д у қ ни. Изчил қоллап кәлгәнликини тәкитлигән.

Медал тапшуруп алған сөйүнгүл чанишеф ханимму өз туйғулирини баян қилип өткән.

Мәзкур мурасим ахирлашқандин кейин, биз д у қ ичкий ишлар комитетиниң мудири бәхтияр бөрә әпәндини зиярәт қилдуқ. У алди билән аделайдтда өткүзүлгән паалийәт һәққидә мәлумат берип өтти. У аделайдта уюштурулған бу йиғинда д у қ ниң пешқәдәм инқилабчиларға тәқдим қилған медаллирини игилиригә тапшуруп бәргәнликини баян қилип өтти.

Бу йиғинға австралийәниң аделайд шәһиридә паалийәт елип бериватқан уйғур аммивий тәшкилатлири мәсуллири, зиялийлар вә д у қ ниң вәкиллиридин болуп, көп санда киши иштирак қилған. Уйғур зиялийси юлтуз тейипҗан өзиниң бу қетимқи йиғиндин алған тәсиратлирини баян қилип өтти.

Австралийә уйғур муһаҗирлар әң дәсләп олтурақлашқан дөләтләрдин бири болуп, һазир аделайдта австралийә шәрқий түркистан җәмийити, тәңритағ ханим-қизлар уюшмиси, мелборнда викторийә уйғур җәмийити қатарлиқ аммивий тәшкилатлар паалийәт елип бармақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт