Türkiye insanperwerlik fondi b d t din xitayda ölüp ketken kishilik hoquq pa'aliyetchisi üchün yardem sorighan

Muxbirimiz jüme
2020-12-20
Share
Türkiye insanperwerlik fondi b d t din xitayda ölüp ketken kishilik hoquq pa'aliyetchisi üchün yardem sorighan Lagérida öltürülgen kishilik hoquq pa'aliyetchisi tursun kali'olla.
Social Media

"Anadolo agéntliqi" ning xewer qilishiche, türkiye insanperwerlik qutquzush fondi (IHH) jüme küni b d t kishilik hoquq kéngishi bilen alaqiliship, ulardin xitayda ölüp ketken kishilik hoquq pa'aliyetchisining ölümi üstide tekshürüsh élip bérishni we uning a'ile tawabi'atlirining dérikini qilishni telep qilghan.

Xewerge qarighanda, i x x b d t ge yollighan mektupida, ‍ tursun kali'olla isimlik bu kishining "Sherqiy türkistanda dawam qiliwatqan qanunsiz qolgha élish herikiti toghrisida muraji'etname yazghandin kéyin qolgha élin'ghanliqini we uning lagérida öltürülgenliki" ni otturigha qoyghan.

Ular xétide, kishilik hoquq kéngishidin uning ölüsh sewebini tekshürüshni we uning a'ile-tawabi'atlirini qoghdashni telep qilghan.

Xewerde körsitishiche, kali'ollaning oghli akikat qazaqistan puqraliqigha érishken bolup, u, Uyghur diyarida yashaydighan dadisi, anisi wéréna mukatay we ini-singillirining héchqandaq qanuniy sewebsizla qolgha élin'ghanliqini éytqan.

I x x mektupida yene, "Xelq'araliq jem'iyetlerni, barliq döletler we kishilik hoquq teshkilatlirini xitaydiki kishilik hoquq depsendichilikini toxtitishqa we sherqiy türkistan xelqini qollash" qa chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet