Майк помпейо хитайниң вухәндики вирологийә лабораторийәсигә киришни чәклигәнликини ейтти

Мухбиримиз җүмә
2020-04-19
Елхәт
Пикир
Share
Принт
Америка ташқи ишлар министири майк помпейо әпәнди һөкүмитиниң уйғурларға тутқан муамилисини йәнә бир қетим қаттиқ тәнқидлиди. 2019-Йили 2-өктәбир, италийә.
Америка ташқи ишлар министири майк помпейо әпәнди һөкүмитиниң уйғурларға тутқан муамилисини йәнә бир қетим қаттиқ тәнқидлиди. 2019-Йили 2-өктәбир, италийә.
REUTERS

Америка ташқи ишлар министири майк помпейо хитайниң корона вирусиниң мәнбәси болуши мумкин дәп қаралған вухәндики вирологийә лабораторийәсигә тәкшүргүчиләрниң киришни чәклигәнликини ейтти.

У, бу сөзләрни 16-апрел «фокус» телевизийәсиниң зияритини қобул қилғанда оттуриға қойди. У, хитай һөкүмити вә дуня сәһийә тәшкилатиниң вирус юқумиға аит учурларни вақтида тәминлимәй дуняви ваба кәлтүрүп чиқарғанлиқини ейтти.

У мундақ деди: «биз һели һәм хитай коммунист партийәсидин мутәхәссисләрниң у вирологийә лабораторийәсигә киришигә рухсәт беришини тәләп қиливатимиз. Шундақ болғандила биз вирусиниң зади қәйәрдин тарқалғанлиқиға ениқ һөкүм қилалаймиз.»

У, бу һәқтики тәләплириниң сиясий тәләп әмәсликини шәрһләп мундақ деди: «бу илим-пән вә епидемиологийәгә аит тәләп. Биз у йәрдә немә болғанлиқини чүшинишкә моһтаҗ. Шундақ болғандила алдимиздики һәптә вә айларда америкилиқларға келидиған хәтәрни кемәйтәләймиз вә дуняви иқтисадини өз йолиға салалаймиз.»

У йәнә, америкиниң у лабораторийәдә қандақ вирусларниң тәтқиқ қилинғанлиқиға аит җавабларға еһтияҗлиқ икәнликини билдүрди вә хитай компартийәсини чәклимиләрни бикар қилишқа чақириди.

Пикирләр (0)
Share
Толуқ бәт