Германийәдә абдулһәкимхан мәхсум хатириләнди

Ихтиярий мухбиримиз әкрәм
2016-12-25
Елхәт
Пикир
Share
Принт
Германийәдә абдулһәкимхан мәхсумниң һаят паалйәтлири тонуштурулди
Германийәдә абдулһәкимхан мәхсумниң һаят паалйәтлири тонуштурулди
RFA/Ekrem


24-Декабир д у қ ниң мюнхендики баш шитабида 22-декабир истанбулда қаза қилған диний өлима абдулһәкимхан мәхсумһаҗимниң һаят паалийәтлири тонуштурулди вә униң уйғур миллити үчүн көрсәткән пидакарлиқлириға юқири баһалар берилип, мәрһумниң роһиға атап қуран тилавәт қилинди. Абдулһәкимхан мәхсумниң өлүми муһаҗирәттики уйғурларни зор қайғуға әсир қилған иди.

Паалийәткә д у қ, явропа шәрқий түркистан бирлики тәшкилати вә илһам тохти гурупписиниң рәһбәрлири һәмдә миюнхендики бир қисим диний затлар, уйғур җамаити қатнашти. 2 Саәттин артуқ давам қилған бу паалийәттә мәрһумниң сәпдашлири, талиплири вә сиясий әрбаблар униң һаят кәчмишлири, кишилик пәзилити, билим қурулмиси, уйғур миллити үчүн қилған хизмәтлирини баһалап, әсләп өтүшти һәмдә мәрһумниң вапатиға болған қайғулирини ипадиләшти.

Германийәдики диний затлардин абдуҗелил қариһаҗим алди билән мәрһум абдулһәкимхан мәхсумниң өтмүши һәққидә тохтилип өтти. У сөзидә, абдулһәкимхан мәхсумниң уйғурлар ичидин йетишип чиққан санақлиқ бирқанчә мәшһур диний өлиманиң бири болғанлиқини тилға алди. Униң арқидин илһам тохти гурупписиниң мәсули әнвәрҗан әпәнди сөз елип, мәрһумға юқири баһа бәрди.
abdulhekimxan-mexsum-germaniye-2016.jpg
Д у қ муавин рәиси пәрһат муһәммиди әпәнди, мәрһум абдулһәкимхан мәхсумниң диний вә илмий зиялиларни бир ариға кәлтүрүштә көрсәткән зор хизмәтлирини тилға елип өтти. явропа шәрқий түркистан бирлики тәшкилатиниң рәиси әсқәрҗан әпәндиму мәрһум билән болған илгирики учришишлирини әсләп өтүп, өзиниң қайғусини ипадилиди.

Паалийәт хатимисидә мәрһумниң роһиға атап қуран тилавәт қилинди. Ахирида хәйирлик дуалар билән бу паалийәт ахирлашти.

Толуқ бәт