Gérmaniyede abdulhekimxan mexsum xatirilendi

Ixtiyariy muxbirimiz ekrem
2016-12-25
Share
abdulhekimxan-mexsum-germaniye-2016-2.jpg Gérmaniyede abdulhekimxan mexsumning hayat pa'alyetliri tonushturuldi
RFA/Ekrem


24-Dékabir d u q ning myunxéndiki bash shitabida 22-dékabir istanbulda qaza qilghan diniy ölima abdulhekimxan mexsumhajimning hayat pa'aliyetliri tonushturuldi we uning Uyghur milliti üchün körsetken pidakarliqlirigha yuqiri bahalar bérilip, merhumning rohigha atap qur'an tilawet qilindi. Abdulhekimxan mexsumning ölümi muhajirettiki Uyghurlarni zor qayghugha esir qilghan idi.

Pa'aliyetke d u q, yawropa sherqiy türkistan birliki teshkilati we ilham toxti guruppisining rehberliri hemde miyunxéndiki bir qisim diniy zatlar, Uyghur jama'iti qatnashti. 2 Sa'ettin artuq dawam qilghan bu pa'aliyette merhumning sepdashliri, talipliri we siyasiy erbablar uning hayat kechmishliri, kishilik peziliti, bilim qurulmisi, Uyghur milliti üchün qilghan xizmetlirini bahalap, eslep ötüshti hemde merhumning wapatigha bolghan qayghulirini ipadileshti.

Gérmaniyediki diniy zatlardin abdujélil qarihajim aldi bilen merhum abdulhekimxan mexsumning ötmüshi heqqide toxtilip ötti. U sözide, abdulhekimxan mexsumning Uyghurlar ichidin yétiship chiqqan sanaqliq birqanche meshhur diniy ölimaning biri bolghanliqini tilgha aldi. Uning arqidin ilham toxti guruppisining mes'uli enwerjan ependi söz élip, merhumgha yuqiri baha berdi.
Gérmaniyede abdulhekimxan mexsumning hayat pa'alyetliri tonushturuldi
D u q mu'awin re'isi perhat muhemmidi ependi, merhum abdulhekimxan mexsumning diniy we ilmiy ziyalilarni bir arigha keltürüshte körsetken zor xizmetlirini tilgha élip ötti. Yawropa sherqiy türkistan birliki teshkilatining re'isi esqerjan ependimu merhum bilen bolghan ilgiriki uchrishishlirini eslep ötüp, özining qayghusini ipadilidi.

Pa'aliyet xatimiside merhumning rohigha atap qur'an tilawet qilindi. Axirida xeyirlik du'alar bilen bu pa'aliyet axirlashti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet