Америка ирандики ахбарат органлирини кишилик һоқуқни дәпсәндә қилғанлиқи үчүн җазалиди

Америка иранниң нефиттин киридиған киримини тизгинләш үчүн йәнә бир қатар җаза тәдбирлирини йолға қойди. Америка бу җаза тәдбирлири арқилиқ иран һөкүмити билән бирлишип, кишилик һоқуқни дәпсәндә қилишқа янтаяқ болған иран ахбарат васитилирини җазалашниму мәқсәт қилидикән.

2013-02-07
Share

Кишилик һоқуқ органлириниң ейтишичә, иранниң дөләтлик ахбарат оргини һөкүмәтниң авази болуштин сирт, уларниң өктичиләрни бастурушиға маслишип, сиясий мәһбусларни радио, телевизийигә охшаш ахбарат васитилиридә това қилишқа мәҗбурлиған. Тор сақчилири өктичиләрниң елхәтлиригә вә өктичи тор бәтләргә һуҗум қилған. Өзлиригә яримайдиған мәзмунларни тазилаш билән шуғулланған.

Америка йеңидин қошулған җаза тәдбирлириниң асаслиқ ирандики кишилик һоқуқни дәпсәндә қилған, болупму иран хәлқиниң пикир әркинлики, сөз әркинликини дәпсәндә қилған орун вә шәхсләрни нишан қилғанлиқини билдүрди. Әл-җәзирә қанилиниң билдүрүшичә, америка бу нөвәт җазалиған шәхсләр ичидә иран ислам җумһурийити радио идарисиниң башлиқи әззәтоллаһ зәрғами қатарлиқ бир қанчә киши бар. Улар америкиниң пул-малийә системисидин пайдилиништин чәкләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт