Австралийәниң адилайт шәһиридә өткүзүлгән параттин өтүш паалийитигә уйғурларму қатнашти

26-январ австралийәниң дөләт байримини тәбрикләш йүзисидин адилайт шәһәрлик һөкүмәт тәшкиллигән параттин өтүш паалийитигә мәзкур шәһәрдә паалийәт елип бериватқан шәрқий түркистан җәмийитиниң тәшкилиши билән йүздин ошуқ уйғур коллектип һалда қатнашқан.

Адилайт шәһиридә өткүзүлгән параттин өтүш паалийитигә қатнашқан уйғурлар бир аптомобилни рәңдар әтләсләр билән мәхсус бизәп, өзгичә алаһидиликкә игә болған уйғурчә кийимләрни кейишип, мәрданә вә җушқун кәйпият билән шәрқий түркистан байриқини игиз көтүрүп, рәис сәһнисидин өткәндә мәзкур паратни тамаша қиливатқан йүз миңдин ошуқ киши уйғур паратчилирини қизғин алқишлиған.

Параттин өтүш паалийити шу йәр вақти чүштин кейин саәт бәштә башлинип кәч саәт йәттидә ахирлашқан.

Биз мәзкур паалийәт һәққидә толуқ мәлуматқа еришиш үчүн нәқ мәйданға телефон қилип, австралийә шәрқий түркистан җәмийитиниң рәиси нурмуһәммәт түркистани вә башқа паратқа қатнашқан уйғурлар билән бу һәқтә телефон зиярити елип бардуқ.

Юқириқи аваз улинишидин тәпсилатини аңлаң.