D u q hey'iti awstraliye parlaméntida magnétskiy qanuni heqqide muzakire élip bardi

Ixtiyariy muxbirimiz erkin tarim
2018.12.04
Share on WhatsApp
Share on WhatsApp
Nury-Turkel-Awstraliye-Magnetisky-2018.JPG Nuri türkel ependi awstraliye dölet uniwérsitétidiki doklat bérish yighinida mezkur uniwérsitétning proféssori richard klark ependi (soldin birinchi), amérika Uyghur kishilik hoquq qurulushining xadimi luyisa xanim (soldin uchunji) lar bilen birge. 2018-Yili 4-dékabir. Kanbérra, awstraliye.
RFA/Erkin Tarim

Dunya Uyghur qurultiyi re'isi dolqun eysa bashchiliqidiki hey'et awstraliyede élip bériwatqan ziyaritining ikkinchi küni, awstraliye parlaméntida muhim uchrishishlar élip bardi. Awstraliyening paytexti kanbérra shehiridiki parlamént binasida ötküzülgen uchrishishqa d u q re'isi dolqun eysa ependi, ijra'iye hey'iti re'isi ömer qanat ependi, amérika Uyghur kishilik hoquq qurulushining xadimi luyisa xanim we Uyghur kishilik hoquq qurulushining re'isi nuri türkel ependi awstraliyediki Uyghur pa'aliyetchi nurgül sawut xanimlar ishtirak qildi. Biz neq meydan'gha téléfon qilip bu uchrishishlar heqqide melumat igiliduq.

D u q re'isi dolqun eysa ependi bu qétimqi awstraliye ziyaritining ikkinchi küni d u q hey'itining awstraliye parlaménti awam palatasi bilen yuqiri palatasi ezaliri bilen uchrashqanliqini, axbarat xadimliri bilen söhbet élip barghandin kéyin awstraliye dölet uniwérsitétida doklat bérish yighinigha qatnashqanliqini tekitlidi. 

D u q hey'iti 12-ayning 4-küni kanbérradiki awstraliye parlaméntida yéshillar partiyesining parlamént ezaliri we bashqa partiyelerning parlamént ezaliri bilen uchriship, awstraliye parlaménti chiqarmaqchi bolghan magnétskiy qanun layihisi heqqide muzakire élip barghan. Amérika Uyghur kishilik hoquq qurulushi teshkilatining re'isi nuri türkel ependi bügün élip barghan pa'aliyetler heqqide bizge melumat berdi. 

D u q hey'iti awstraliye parlaméntidiki uchrishishni axirlashturghandin kéyin amérika qoshma shtatining kanbérrada turushluq elchixanisining xadimliri bilenmu uchrishish élip barghan. Nuri türkel ependi ziyaritimizni qobul qilip bu heqtimu toxtaldi. 

Yéqindin buyan gherb elliride amérika qoshma shtatlirida we türkiyening her qaysi uniwérsitétlirida Uyghurlar toghrisida doklat bérish yighinliri ötküzülmekte. 12-Ayning 4-küni d u q re'isi dolqun eysa ependi, ijra'iye hey'iti re'isi ömer qanat ependi, amérika Uyghur kishilik hoquq qurulushining xadimi luyisa xanim we Uyghur kishilik hoquq qurulushining re'isi nuri türkel ependidin terkib tapqan hey'et kanbérradiki awstraliye dölet uniwérsitétida ötküzülgen doklat bérish yighinigha ishtirak qilghan. Nuri türkel ependi yighin toghrisida toxtaldi. 

Nuri türkel ependi yighinda nuqtiliq halda Uyghur diyarida hazir meydan'gha chiqqan weziyet we bu weziyetni hel qilishning yolliri toghrisida telep-pikirlerning otturigha qoyulghanliqini bayan qildi. 

D u q hey'iti 12-ayning 9-künigiche awstraliyening sidnéy, mélborin, we adilayd qatarliq jaylirigha ziyaret élip baridighan bolup, ular bügün kanbérradiki pa'aliyitini axirlashturup sidnéyge qarap mangghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.