D o q qurultiyida maliye mesilisi üchün kespiy xadimlarni terbiyelesh tekitlendi

Muxbirimiz erkin tarim
2016-07-16
Élxet
Pikir
Share
Print
Dunya Uyghur qurultiying birinchi mu'awin re'isi ömer qanat sözde
Dunya Uyghur qurultiying birinchi mu'awin re'isi ömer qanat sözde
RFA/Erkin Tarim


Dunya Uyghur qurultiyining 4 yilda bir chaqirilidighan 5 - nöwetliki 7 - ayning 11 - künidin 13 - künigiche firansiyening parizh shehiride chaqirilghan. Qurultayda dunya Uyghur qurultiyining sistémilishishi üchün maliye mesilisini hel qilishning shert ikenliki tekitlendi.

Re'islikige rabiye qadir xanim qayta saylan'ghan qurultayda maliye jehettiki qiyinchiliqlar we uni hel qilishning yolliri toghrisida muzakire élip bérilip, teklip - pikirler otturigha qoyuldi.

15 Dölettin 130 wekil qatnashqan 5 - nöwetlik qurultayning 4 yilliq xizmet doklatida, dunya Uyghur qurultiyining kéyinki 4 yil jeryanida démokratiyelishishke, kesplishishke alahide ehmiyet bergenlikini, buning netijilirini bu qétimqi qurultaygha wekillerni saylashta körgenliki bayan qilin'ghan.

Biz bu heqte köz qarishini igilesh üchün dunya Uyghur qurultiying birinchi mu'awin re'isi ömer qanat we awstraliyedin kelgen wekillerdin nurmemet ependiler bilen söhbet élip barduq.

Ömer qanat ependi démokratiye jehettin köp ilgirilesh bolghanliqini, bu qétim firansiyege kelgen wekiller, bezi döletlerde xelqning ray bérishi bilen saylinip kelgenlikini, dunya Uyghur qurultiyining xelq'aradiki abruyini tiklesh üchün buning bek muhim ikenlikini tekitlidi.

Dunya Uyghur qurultiyining 5 - nöwetlik yighinigha qatnashqan wekiller
Dunya Uyghur qurultiyining 5 - nöwetlik yighinigha qatnashqan wekiller RFA/Erkin Tarim

Dunya Uyghur qurultiyining mu'awin re'isi ömer qanat ependi 2012 - yilidin kéyin dunya Uyghur qurultiyining kespiyleshkenlikini, insan heq we hoquqliri jehettin muweppeqiyetlik xizmetlerni élip barghanliqini, maliye xizmetliri jehettimu kespiyleshken xadimlargha éhtiyaji barliqini, bu qétim bu heqte qoyulghan pikirlerge ehmiyet bérip emeliyleshtürüshke tirishidighanliqini bayan qildi.

Awstraliyedin kelgen nurmemet ependi iqtisad dégenning bir milletning jan tomurigha taqishidighan mesile ikenlikini, dunya Uyghur qurultiyining sistémilashqan we sijillashqan bir maliye qurulmisini qurup chiqishi kéreklikini bayan qildi.

U, i'ane toplashning "Adil bolush, sadiq bolush, rastchil bolush we ochuq bolush" tin ibaret 4 sherti barliqini tekitlidi.

Nurmemet ependi i'ane toplash xizmitini yaxshi élip bérish üchün kespiy xadimlarni terbiyelesh kéreklikini bayan qildi.

Perhat yurungqash ependi dunya Uyghur qurultiyining xelq kütken sewiyige yételmeslikidiki eng muhim amillardin birining iqtisadning kem bolushi ikenlikini dunya Uyghur qurultiyining aldimizdiki yillarda buninggha alahide ehmiyet béridighanliqini bayan qildi.

Dunya Uyghur qurultiyi herqaysi döletlerdin yighqan i'ane, ammiwi teshkilatlarning yardem qilishi bilen pa'aliyet élip bériwatqan ammiwi teshkilat.

Toluq bet