Д у қ вәкиллири шиветсийәдә вакаләтсиз милләтләр тәшкилатиниң йиғиниға қатнашти

Вакаләтсиз милләтләр тәшкилатиниң идарә һәйәтлириниң йерим йиллиқ йиғини вакаләтсиз милләтләр тәшкилатиға әза милләт вәкиллири вә шиветсийәдики бир қисим аммиви тәшкилатларниң қатнишиши билән 28 - апрел күни шиветсийә парламент бинасиниң йиғин залида өткүзүлди.

Бу йеғинға вакаләтсиз милләтләр тәшкилати идарә һәйитидә әзалиқ вәзиписини өтәватқан дуня уйғур қурултийиниң иҗраийә комитети мудири долқун әйса, дуня уйғур қурултийиниң шиветсийәдә турушлуқ баянатчиси дилшат ришит, уйғур маарип уюшмисиниң баш катипи ниҗат турғун қатарлиқлар иштирак қилди.

Ситокһолмда топланған вәкилләр вә мутәхәссисләр бу қетимлиқ йиғинда “демократийәлишиш вә тинчлиқниң һәр хил шәкиллири, аз санлиқларниң һәқлири” дегән тема астида лексийә сөзлиди вә муназирә елип барди.

Йиғинда алди билән долқун әйса әпәндиниң, һиндистан даирилири тәрипидин берилгән визисиниң хитай һөкүмитиниң бесим қилиши арқисида рәт қилиниши һәмдә уйғур дияриниң йеқинқи вәзийити һәққидики доклати билән башланди.

Дуня уйғур қурултийиниң баянатчиси дилшат ришит зияритимизни қобул қилип өз тәсиратини баян қилди.

Уйғур маарип уюшмисиниң баш катипи ниҗат турғун бу хилдики йиғинларға қатнишишниң, уйғур тәшкилатлириниң мунасивәт даирисини кеңәйтишкә, хитай ишлирини тәтқиқ қилидиған мутәхәссисләр билән тонушушқа, башқа милләтләр ара һәмкарлишип хизмәт елип беришқа пайдиси болидиғанлиқини билдүрди.