Erkin qurban: qolungdin néme kelse qil, ölsem xelqim ölüwatqan ana zéminda öley

Ixtiyariy muxbirimiz gülshen abduqadir
2013.07.15
turkistan-tagh-bagh-305.png Uyghur ilining tagh-baghliri
Public Domain


Wetendin ayrilghinigha 14 yil bolghan kanada puqrasi erkin qurban(tékes) yéqinda öz ana wetini Uyghur diyarining ürümchi, ghulja qatarliq sheherliride 45 kün ziyarette boldi we ziyaritimizni qobul qilip,wetende duch kelgen ehwallar we körgen bilgenlirini anglatti.

Igilishimizche, uning pasporti xitay bixeterlik tarmaqliri teripidin tartiwélin'ghan, özi 45 kün ichide 4 qétim her qétimda 10 sa'ettin soraq qilin'ghan.

Men weten'ge néme körsem körey deydighan niyet bilen bardim

Özining 12 balining ichide ata - anisi téximu bekrek yaxshi köridighan perzent ikenlikini bildürgen erkin qurban, bu yil 82 yashqa kirip qalghan anamning tewsiyesini yerde qoymasliq üchün bir kanada puqrasi bolush süpitim bilen weten'ge bardim dédi. U yene: “Hemme némidin kéchip, béshimgha néme kelse - kelsun dep allahqa tewekkül qilip weten'ge bardim” dédi.

Kanadada qilghan siyasiy pa'aliyetlirimni héch yoshurmidim, qolungdin néme kelse qil, dédim

Erkin qurban weten'ge bérishtin ilgiri, kanadadiki aktip siyasiy pa'alyet élip bériwatqan Uyghurlarning biri bolup, kanada Uyghur jem'iyitining qurghuchiliridin idi. Uning bildürüshiche, xitay bixeterlik tarmaqliri uni bu mesile üchün qattiq soraq qilghan. Erkin qurban, özining kanadada qanunsiz bir ish qilmighanlighini, kanada qanuni yol qoyghan da'ire ichide siyasiy pa'aliyet élip barghanliqini bildürüp, “Aldinggha keldim, qolungdin néme kelse qil” dégen. Emma, xitay bixeterlik tarmaqliri uninggha “Séni xalisaq chégradin qoghlap chiqiriwételeymiz” dégen. Emma, erkin qurban ulargha “Ölsem weten tupriqida we nurghunlighan qurban bériwatqan kishilirimiz bilen birlikte ölimen, emma men bir kanada wetendishi, kanada - xitay munasiwetlirinimu oylap qoyunglar” dégen.

Bu programmining tepsilatini yuqiridiki ulinishtin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.