Amérika 2012 - yilliq térrorchi teshkilatlar tizimlikini élan qildi

Bügün amérika dölet ishlar ministirliqi amérikining “2012 - Yilliq döletler ehwali we térror teshkilatlar tizimliki heqqidiki doklati” ni élan qilghan bolup, tizimlikte elliktin artuq teshkilatning ismi yer alghan.

Bu qétimqi tizimlikte “Sherqiy türkistan islam partiyisi” 2011 - yilidikidekla yene chiqirip tashlan'ghan.

“Amérika awazi” xitayche tor bétide bildürülüshiche, amérika dölet ishlar ministirliqi amérika dölet mejlisige sun'ghan doklatida, junggoning térrorizmigha qarshi körüshining peqet Uyghur élidiki atalmish sherqiy türkistan islam herikitige merkezliship qalghanliqi, junggo hökümitining Uyghur élidiki “Diniy esebiylik, bölgünchilik we térrorizmni junggogha tehdit” dep qaraydighanliqini bayan qilghan hemde 2012 - yili 2 - we 6 - ayda Uyghur élide yüz bergen weqelerni misal qilip körsetken.

Lékin, doklatta yene kishilik hoquq teshkilatlirining izchil türde, xitayning térrorizmgha qarshi turush bahanisi bilen Uyghur élidiki asasliq yerlik Uyghur musulmanlirini qattiq basturuwatidu, dégen qarishighimu yer bergen.

“11 - Séntebir weqesi” din kéyin, amérika “Sherqiy türkistan islam herikiti teshkilati” ni térrorchi teshkilat tizimlikige kirgüzgen bolup, xitay hökümiti shuningdin buyan Uyghurlarning qarshiliq heriketlirini radikal islam, térrorizmgha baghlap qattiq basturup kelgenidi.

Türkiye istratégiye tetqiqat idarisi tetqiqatchisi erkin ekrem amérikining bu yéngi doklatidiki atalghu mesiliside toxtaldi.

Munasiwetlik ulanma:

http://www.state.gov/documents/organization/210204.pdf