Fransiye muxbiri ursula xanim bilen d u q rehberliri parizhda uchrashti

Ixtiyariy muxbirimiz haji qutluq qadiri
2016-01-11
Share
fransiye-ursula-duq-2016.png D u q rehberliri parizhda fransiye muxbiri ursula xanim bilen uchrashti
RFA/Haji Qutluq Qadiri


Fransiye Uyghur jem'iyitining orunlashturushi bilen 11 - yanwar parizhda fransiye muxbiri ursula xanim bilen dunya Uyghur qurultiyi rehberliri uchrishish élip barghan.

Bu qétimqi söhbetni teshkilligüchi, fransiye Uyghur jem'iyitining re'isi erkin ablimitning bildürüshiche, söhbetke dunya Uyghur qurultiyining mu'awin re'isi esqerjan, ijra'iye komitétining re'isi dolqun eysa, fransiyediki Uyghur jama'et mötiwerliridin méhriban xanim, we shundaqla fransiye Uyghur jem'iyitining katipi déni ependim qatarliqlar ishtirak qilghan.

Dunya Uyghur qurultiyi rehberliri bilen uchrishish üchün fransiye Uyghur jem'iyitining re'isi erkin ablimitning hemrahqlida mashinida birlikte kétiwatqan muxbir ursula xanim téléfon ziyaritimizni qobul qilip, "Uyghurlarning nöwettiki weziyiti qandaq?siz Uyghurlar bilen uchrashqanmu? Uyghur élining qaysi jaylirigha bardingiz?" dégendek so'allirimizgha jawab bérip:"Uyghurlar nahayiti tes halette yashawatidu. Men buni maqalemde yazdim. Men köpligen Uyghurlar bilen uchrashqan. Uyghur élining qeshqer,turpan, ürümchi qatarliq sheherlirige barghan"dédi.

Biz uningdin,"Siz xitaydin fransiyige qayturulghandin kéyin Uyghurlar heqqide némilerni yézishni oylishiwatisiz?"dep sorighinimizda u,bu heqte toxtilip:"Belkim yézishni oylishiwatqan bolushum mumkin lékin bu heqte bir qarargha kelmidi"dédi.

Biz téléfon söhbitimiz jeryanida, "Ursula xanim sizning Uyghurlargha éytmaqchi bolghan qandaq sözingiz bar?"déginimizde, u, bir'az ikkilinip, "Sizning dewatqan Uyghurlar weten ichidiki, yaki bashqa yerlerdiki urushqa qatnishiwatqn we shundaqla bashqa ishlardiki Uyghurlarmu?"_ - dep soridi. Biz jawaben: - weten sirtidiki barliq Uyghurlargha déginimizde, ursula xanim:"Gheyret qilinglar! gheyret qilinglar!"dep arqa - arqidin ikki ret bu sözni tekrarlidi.

Biz axirida uningdin, "Xanim, sizning bu sözliringizni radi'o dolqunliri arqiliq Uyghurlargha anglatsaq bolamdu?" dep soriduq. Muxbir ursula xanim:"Elwette"dep jawab berdi.

Muxbir ursula xanim shu küni chüshtin kéyin parizhdiki melum bir réstoranning ayrimxanisida dunya Uyghur qurultiyi rehberliri qizghin söhbette bolghan. Söhbet shu yer waqti sa'et ikki yérimdin beshke qeder dawamlashqan bolup, söhbettin kéyin ziyaritimizni qobul qilghan dunya Uyghur qurultiyi ijra'iye komitétining re'isi dolqun eysa bu qétimqi söhbet heqqide toxtaldi.

Dolqun eysaning éytishiche, muxbir ursula xanim söhbet jeryanida özining 2013 - yili 26 - iyun turpan wilayitining lükchün nahiyiside yüz bergen weqe heqqidimu turpan'gha bérip köp izden'genliki heqqide toxtalghan.

Dunya Uyghur qurultiyining mu'awin re'isliridin esqerjan muxbir ursula xanim parizhgha qaytip kelgendin kéyin fransiye hökümet terepning béyjingda yüz bergen ursula xanim mesilige bolghan bezi bir qarashliri heqqide ursula xanimning éytqanlirini bayan qilip ötti.

Axirida fransiye Uyghur jem'iyitining re'isi erkin ablimit buningdin kéyinki fransiyide élip bérilidighan Uyghur kishilik hoquq pa'aliyetliride muxbir ursula xanim bilen özlirining hemkarlishidighanliqini ilgiri sürdi.

Bezi bir siyasiy közetküchilerning bildürüshiche, fransiye muxbiri ursula xanimning bu qétimqi dunya Uyghur qurultiyi rehberliri bilen parizhda uchrishishi uning muhajirettiki Uyghur teshkilat rehberliri tunji qétimliq uchrishi iken.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet