Teywen parlamént ezasi frédy lim:"Teywen rabiye qadir xanimni her zaman qarshi alidu"

Ixtiyariy muxbirimiz haji qutluq qadiri
2016-12-14
Élxet
Pikir
Share
Print
Xelq'ara insan xeqliri küni munasiwiti bilen teywen parlaméntida ötküzülgen tibet, Uyghur, mongghullarning xelq'araliq birleshme muxbirlarni kütüwélish yighinidin körünüsh. 2016-Yili 9-dékabir.
Xelq'ara insan xeqliri küni munasiwiti bilen teywen parlaméntida ötküzülgen tibet, Uyghur, mongghullarning xelq'araliq birleshme muxbirlarni kütüwélish yighinidin körünüsh. 2016-Yili 9-dékabir.
RFA/Qutluq


9-Dékabir teywen parlamént ezasi frédy lim 10-dekabir xelq'ara insan xeqliri küni munasiwiti bilen teywen parlaméntida otküzülgen tibet,Uyghur,mongghullarning xelq'araliq birleshme muxbirlarni kütüwélish yighinida söz qilip, özining teywen parlaméntida qurulghan tibet mesilisini qollash guruppisining yalghuz xitaydiki tibet mesilisigila emes belki xitaydiki Uyghur,mongghul we xongkongluqlarning kishilik hoquq mesilisigimu yéqin köngül bolidighanliqini bildürdi.

Parlamént ezasi lim sözide yene özi bashchiliqida qurulghan teywen parlaméntidiki tibet mesilisini qollash gurupisidikilerning yéqinda hindistandiki darimsalagha bérip, tibet sürgündiki hökümiti rehberliri bilen uchrishish élip barghanliqini we ularni teywende ziyarette bolushqa teklip qilghanliqini bayan qildi.

Frédy lim teywen parlaméntidiki siyasiy partiyelerning xitaydiki kishilik hoquq mesililiri toghrisidiki türlük qarashliri heqqide toxtilish bilen birge teywen parlaméntida buningdin kéyin xitaydiki kishilik hoquq mesililirining küntertipke kélidighanliqni alahide eskertip ötti.

Teywen parlaméntida ötküzülgen tibet,Uyghur,mongghullarning birleshme muxbirlarni kütüwélish yighinidin kéyin ziyaritimizni qobul qilghan parlamént ezasi frédy lim bizning: "Tibetning rohaniy dahiysi dalay lama bashchiliqidiki tibet sürgündiki hökümitining wekilliri teywende qachan ziyarette bolushni pilanlawatidu?" dégen so'allimizgha jawab bérip:"Dalay lama ishxanisi méning ishxanam bilen bu toghrisida sözlishiwatidu.Dalay lamamu teywende ziyarette bolushni xalaydu. Belkim yéqin kelgüside muwapiq bir waqitta dalay lama bashchiliqidiki tibet sürgündiki hökümitining wekilliri teywende ziyarette bolushi mumkin"dédi.

Bizning: "Sizning Uyghurlarning rehbiri rabiye qadir xanimnimu teywen'ge teklip qilish oyingiz barmu?"dégen so'allimiz üstide toxtalghan parlamént ezasi frédy lim:"Men rabiye qadir xanimning ishxanisi bilen uni teywen'ge teklip qilish mesilisi toghrisida alaqilishiwatimen.Shundaqla teywendiki bashqa guruppilar we ijtima'iy teshkilatlar rabiye qadir xanimni teywen'ge teklip qilsa men elwette qolumdin kélishiche uni qollaymen. Chünki, uning barliq söz heriketliri kishilik hoquq mesilisini anglitishtin ibaret.Méningche teywen rabiye qadir xanimni her zaman qarshi alidu.Biraq,teywen'ge kélish uning waqtigha baghliq ish"dédi.

Biz teywen parlamént ezasi frédy limning jawabigha asasen amérika paytexti washin'gtondiki rabiye qadir xanimning ishxanisigha téléfon qilip bu heqte uchur igilimekchi bolghan bolsaqmu, biraq téléfonimiz jawabsiz qaldi.

9-Dékabirdin bashlap teywende ötküzülüwatqan kishilik hoquq pa'aliyetlirige ishtirak qiliwatqan yaponiye Uyghur jemiyitining re'isi ilham maxmut parlamént ezasi frédy lim bilen özining Uyghur mesilisi toghrisida élip barghan söhbetliri üstide toxtaldi.

Ilham maxmut rabiye qadir xanimning teywende yéqin kelgüside ziyarette bolush éhtimalliqining yuqirliqi üstide toxtaldi.

Melum bolushiche, teywen parlamént ezasi frédy lim yalghuz siyasiy erbablardin bolupla qalmastin belki u teywenlik dunyawiy dangliq naxshichilardin biri hésablinidiken.

Yuqiriqi awaz ulinishidin tepsilatini anglang.

Pikirler (0)
Share
Toluq bet