Gérmaniyening karlsruhe shehiridiki noruz bayrimida Uyghur musapirlargha qandaq yardem qilish toghrisida muzakire élip bérildi

Yawropa döletliri ichide gérmaniye türkler eng köp olturaqlashqan dölet. Yéqinqi yillardin béri gérmaniyege panahliq tilewatqan Uyghurlarning sanimu künsayin köpeymekte iken. Bularning köpiyishige egiship mesililermu köpeymekte. Shuning bilen birlikte gérmaniyede Uyghur dewasini anglitishning yolliri we pa'aliyet pilanliri toghrisida muzakire élip bérildi.

22 - Mart küniyuquridiki mesililer toghrisida muzakire élip bérish we Uyghurlarning en'eniwi bayrimi bolghan noruz bayrimini tebriklesh munasiwiti bilen gérmaniyening karlsruhe shehride yighin chaqirildi. Yighin'gha dunya Uyghur qurultiyi ijra'iye komitéti mudiri dolqun eysa ependi, d u q tetqiqat merkizi mudiri enwer exmet ependi, yawropa türk fédératsiyesige eza 20 teshkilatning mes'uli qatnashti. Yighinda Uyghurlar heqqide 8 kitab yazghan osman shen ozan ependi, “Sherqiy türkistanning ötmüshi we bügüni témisida”, enwer osman ependi bolsa “Sherqiy türkistandiki iqtisadiy bayliqlarning bulang - talang qilinishi” témisida doklat berdi. Bu doklat axirlashqandin kéyin gérmaniye we fransiyede pa'aliyet élip bériwatqan 20 etrapida türk ammiwiy teshkilati we d u q mes'ulliri yawropagha yéngi kelgen Uyghurlargha qandaq yar - yölek bolush we sherqiy türkistan dewasini yawrupa döletliride bolupmu gérmaniyede qandaq élip bérish mesilisi toghrisida muzakire élip barghan. Axirida Uyghur xanim - qizlar teyyarlighan tamaqlargha éghiz tekkesh shé'ir déklimatsiye qilinip, Uyghurche naxshilar orundaldi.

Enwer exmet ependi bu pa'aliyet heqqide melumat berdi.