Түркийәдики һәрбий өзгириштин мәлуматлар

Мухбиримиз җүмә
2016.07.16
istanbul ay Istanbul ayru
Photo: RFA

Шу җай вақти 15- июл (җүмә) кечидә түркийә армийәси телевизийидә баянат берип, түркийәдә һәрбий өзгириш елан қилғанлиқини билдүргән.

Улар истанбул кочилириға һәрбий танкиларни һәйдәп кирип, истанбул айропортини контрол қилғанлиқи вә түркийә пайтәхти әнқәрәни игилигәнлики җакарлиған.

Түркийә баш министири бинали йилдирим бу һәқтә елан қилған баянатида буниң һәрбий өзгириш әмәсликини, бир қисим “қанунсиз унсурларниң һәрбий өзгириш қилишқа урунғанлиқи” ни ейтқан.

Мәлум болушичә, түркийә президенти рәҗәп таййп әрдуған әйни чағда түркийә ичидики бир саяһәт орнида истираһәт қиливатқан болуп, у с н н түрк телевизийисигә телефон арқилиқ бәргән баянатида өзлириниң бу қетимқи қийинчилиқни йеңип кетәләйдиғанлиқиға ишинидиғанлиқини ейтти вә хәлқни кочиға чиқип һәрбий өзгиришкә қариши турушқа чақириди.

Бу һәқтә зияритимизни қобул қилған “шәрқий түркистан маарип вә һәмкарлиқ җәмийити” рәиси һидайәтулла оғузхан әрдуғанниң чақириқидин кейин, кишиләрниң кочиларға намайишқа чиққанлиқини ейтти вә айродромидин бу рәсимни йоллап биз билән ортақлашти.

Зәйтунбурну районидин истанбул мәркизигә қарап йолға чиққанлар арисидики мухбиримиз арслан таш нөвәттә өзиниң көрүватқанлирини радийо аңлиғучилиримизға сунди. Төвәндикилири арслан таш җүмә чиқар шәнбә кирәр кечиси истанбул кочилирида тартқан бир қисим сүрәт вә син көрүнүшлири.

Шәнбә күни түркийә баш министири билән йилдирим йәнә баянат елан қилип, һәрбий өзгиришниң мәғлуп болғанлиқини җакарлиған. Тـүркийә президенти әрдуған истанбул айродромида бәргән баянатида һәрбий өзгиришниң бир хаинлиқ икәнликини билдүргән.

Һалбуки, намайишлар, истанбул вә әнқәрәдики қалаймиқанчилиқлар һели һәм давам қилмақта. Кимниң вәзийәтни һәқиқий контрол қилғанлиқи, һәрбий өзгиришиниң нөвәттики әһвали һазирчә ениқ әмәс. Биз бу һәқтә давалиқ хәвәр беришкә тиришимиз.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.