Türkiyediki herbiy özgirishtin melumatlar

Muxbirimiz jüme
2016-07-16
Share
istanbul ay Istanbul ayru
Photo: RFA

Shu jay waqti 15- iyul (jüme) kéchide türkiye armiyesi téléwiziyide bayanat bérip, türkiyede herbiy özgirish élan qilghanliqini bildürgen.

Ular istanbul kochilirigha herbiy tankilarni heydep kirip, istanbul ayroportini kontrol qilghanliqi we türkiye paytexti enqereni igiligenliki jakarlighan.

Türkiye bash ministiri binali yildirim bu heqte élan qilghan bayanatida buning herbiy özgirish emeslikini, bir qisim "Qanunsiz unsurlarning herbiy özgirish qilishqa urun'ghanliqi" ni éytqan.

Melum bolushiche, türkiye prézidénti rejep tayyp erdughan eyni chaghda türkiye ichidiki bir sayahet ornida istirahet qiliwatqan bolup, u s n n türk téléwiziyisige téléfon arqiliq bergen bayanatida özlirining bu qétimqi qiyinchiliqni yéngip kételeydighanliqigha ishinidighanliqini éytti we xelqni kochigha chiqip herbiy özgirishke qarishi turushqa chaqiridi.

Bu heqte ziyaritimizni qobul qilghan "Sherqiy türkistan ma'arip we hemkarliq jem'iyiti" re'isi hidayetulla oghuzxan erdughanning chaqiriqidin kéyin, kishilerning kochilargha namayishqa chiqqanliqini éytti we ayrodromidin bu resimni yollap biz bilen ortaqlashti.

Zeytunburnu rayonidin istanbul merkizige qarap yolgha chiqqanlar arisidiki muxbirimiz arslan tash nöwette özining körüwatqanlirini radiyo anglighuchilirimizgha sundi. Töwendikiliri arslan tash jüme chiqar shenbe kirer kéchisi istanbul kochilirida tartqan bir qisim süret we sin körünüshliri.

Shenbe küni türkiye bash ministiri bilen yildirim yene bayanat élan qilip, herbiy özgirishning meghlup bolghanliqini jakarlighan. Tـürkiye prézidénti erdughan istanbul ayrodromida bergen bayanatida herbiy özgirishning bir xa'inliq ikenlikini bildürgen.

Halbuki, namayishlar, istanbul we enqerediki qalaymiqanchiliqlar héli hem dawam qilmaqta. Kimning weziyetni heqiqiy kontrol qilghanliqi, herbiy özgirishining nöwettiki ehwali hazirche éniq emes. Biz bu heqte dawaliq xewer bérishke tirishimiz.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet