Istanbulning eysa yüsüp aliptékin kochisidiki Uyghurlar

Ixtiyariy muxbirimiz arslan
2016.10.25
Share on WhatsApp
Share on WhatsApp
istanbul-uyghur-uyghurzade-milli-shifaxanisi.jpg Istanbulning zeytunburnu rayonida échilghan Uyghurzade milliy tibabet dorixanisi
RFA/Arslan

Xitay bésimining éshishi bilen Uyghur diyaridin qéchip türkiyige kelgen we istanbulning zeytinburnuda olturaqliship qalghan Uyghurlarning sani xéli salmaqni igileydu. Yéqindin buyan Uyghurlar zeytinburnuda her xil shirket, dukan we zawutlarni échip kündülük ijtima'iy hayatini dawam qilmaqta. Zeytinburnuning nuripasha we sumer mehellirige kélip kochilirida mangghan her qandaq bir Uyghur özini xuddi öz yurtida kétiwatqandek hés qilidu, chünki nuripasha we sümer mehellirining kochilirida Uyghurlar, ashxana, nawayxana, setrachxana, chöchürexana, chayxana, éliktérik jihazliri dokini échishtin sirt yene, milliy tibabet dorixanisi, késel tekshürüsh orunliri, öy - mülük sétish we ijarige bérish orunliri, aptomobil we taksi kiralash shirketliri, téléfonxana qatarliq ish oronlirini achti. Bu mehellilerde hazir Uyghurlarning ijtima'iy hayatigha alaqidar her xil kündilik éhtiyaj boyumlirini uchratqili bolidu.

Biz nuripasha mehellisidiki 63 - kücha yeni eysa yüsüp aliptékin kochisi dep atilidighan 63 - kuchini arilap yürüp bu kochida échilghan Uyghurzade milliy tibabet dorixanisi we teklimakan gösh dokanlirini ziyaret qilduq hemde Uyghurzade milliy tibabet dorixanisini achqan shemsinurxanim bilen söhbet élip barduq. Shemsinur xanim özining wetende hökümet doxturxanida ishleydighanliqini, yaghliq artqanliqi we islami kiyim keygenliki sewebidin bésimgha uchirighanliqi sewebidin xizmetni tashlap türkiyige chiqqanliqini bildürdi.

Teklimakan qassap dokinidiki muhemmed we abdullah qatarliq kishiler bilen söhbet élip barduq. Ulardin öz yurtidin néme üchün ayrilip türkiyide olturaqliship qalghanliqini sorighinimizda, ular birdek, yurtida yoq sewebler tüpeylidin naheq türmige qamalghanliqini, bésimdin qéchip chiqqanliqini bildürdi.

Istanbulning zeytunburnu rayonidiki “Teklimakan” gösh dukini
Istanbulning zeytunburnu rayonidiki “Teklimakan” gösh dukini
RFA/Arslan

Biz nuripasha mehelliside yashaydighan mehmetbey isimlik bir türktin Uyghurlar toghrisida pikir - qarashlirini alduq. Mehmetbey mundaq dédi: “Uyghur türkliri zulumgha uchrawatidu, shuning üchün u qérindashlirimiz türkiyide panahliniwatidu, méning mehellemde köpligen Uyghur türkliri yashaydu, hazirghiche ulardin birer yamanliq körmiduq, buningdin kéyinmu körmeymiz dep oylaymen. Ular bizning qérindashlirimiz.”

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.