Uyghur ayallar bilen toy qilghan pakistanliq sodigerler béyjingda namayish qildi

Ixtiyariy muxbirimiz arslan
2018-09-27
Élxet
Pikir
Share
Print
Pakistanliq sodiger bachahanng Uyghur ayali aliye eziz we ularning 4 balisi. 2018-Yili 27-séntebir.
Pakistanliq sodiger bachahanng Uyghur ayali aliye eziz we ularning 4 balisi. 2018-Yili 27-séntebir.
RFA/Arslan

Uyghur ayallar bilen toy qilghan pakistanliq sodigerler béyjinggha bérip xitayning yighiwélish lagérliridiki ayal-ballirini qoyup bérishni telep qilip naraziliq namayishi élip bardi.

35 Yashliq pakistanliq sodiger mirza imran beg radiyomiz ziyaritini qobul qilip, Uyghur ayali we perzentini xitay hökümitining yighiliwélish lagérigha solap qoyghanliqini bildürdi we béshigha kelgenliridin nahayiti epsuslinidighanliqini bildürdi. Miza imranning bildürüshiche, uning Uyghur ayali 2017-yili 5-ayda Uyghur diyarigha barghandin kéyin pakistan'gha qaytip kétishke roxset qilinmighan we yighiwélish lagérigha élip kétilgen. U yene hem ayalining hem 4 yashliq qizining pasportini xitay da'irlirining tartiwalghanliqini bildürdi.

Mirza imran ependi béyjingdiki pakistan elchixanisida ikki kündin buyan olturghan bolsimu, emma pakistan elchixana xadimliri uni we yénidiki yene bir kishi bilen qoshup elchixanidin chiqiriwetken. U buninggha naraziliq bildürüp elchixana aldida naraziliq namayishi qilghan. Muxbirlargha bayanat bergen.

Mirza imran beg bizge béyjingdiki pakistan elchixanisining xadimi bilen munazirilishiwatqan bir sin körünüshni ewetken bolup, uningda mirza imran begelchixana xadimidin ayalini qoyup bérish toghrisida xitay tashqi ishlar ministérliqigha yazghan telepnamisini xitay tashqi ishlar ministirliqigha ewetip yardem qilishni telep qilghan. Biraq elchixana xadimi uninggha "Siz pakistanda xalighan waqitta xalighan yerde ish bijireleysiz, emma bu yer pakistan emes" dégenliki körsitilgen.

Biz yene Uyghur ayallar bilen toy qilghan pakistanliqlarning mesililirini hel qilishqa mes'ul bolghan lahorluq sodiger qanunshunas miyang shahid ilyas ependi bilen söhbet élip barduq.

Miyang shahid ilyas ependining bildürüshiche, uning ürümchilik Uyghur ayali we 4 yashliq qizi xitayning yighiwélish lagirida iken. Uning bildürüshiche, Uyghur ayallar bilen toy qilghan pakistanliq sodigerlerning sani  2000 mingdin artuq bolup, hazir 350 pakistanliq xitayning yighiwélish lagiridiki Uyghur ayalliri we ballirini qutuldurush üchün tizimgha aldurghan.

Biz yene pakistanning merdan shehiride turushluq hazir besh balisi bilen Uyghur ayalining iz-dérikini élish üchün ürümchide izdiniwatqan bay sodiger pachaxan bilenmu söhbet ötküzduq.

Pachaxan ependi 2000 -yili ürümchide bir Uyghur ayal bilen toy qilghan we 4 perzenti toghulghan bolup ular ürümchidin öy sétiwélip olturaqlashqan. 2017-Yili 4-ayda özi pakistan'gha kétip  ürümchige qaytip barghanda ayali we 4 perzentining yighiwélish lagirgha sulan'ghanliqidin xewer tapqan. Biraq ayali we perzentliri bilen kürüshelmigen, ularning qeyerde ikenlikinimu bilelmigen. U hazir paksitan bash ministiri imranxandin yardem telep qilghanliqini bildürdi.

Toluq bet