Londonda Uyghur mesilisi muzakire qilindi

Muxbirimiz erkin tarim
2013.07.05
yipek-yoli-diyalog-yighini-305.png Londondiki Uyghur mesilisi muzakirisi toghrisiki tizimlitish höjjiti
RFA/Erkin Tarim

4 - Iyul küni en'gliyening london uniwérsitéti siyasiy iqtisad fakultétining asiya tetqiqatliri merkizide “Yipek yolidin xitayning gherbiy shimaligha nezer” mawzuluq yighin chaqirildi.

Bir kün dawamlashqan bu yighinning échilish nutqini mezkur institutning müdüri doktor athar xusa'in ependi qildi. U sözide tetqiqat merkizide tunji qétim Uyghur mesilisi toghrisida bundaq bir yighin chaqirilghanliqi üchün intayin xursen bolghanliqini bayan qilghandin kéyin, xitay döliti we Uyghur mesilisi toghrisida toxtaldi.

Yighin zalini resim tartishimizgha, doklat bergen alimlarning köpining ismini ashkarilishimizgha ruxset qilinmighan bu yighinda mutexessisler “Jenubiy shinjangdiki diniy bésim we Uyghur medeniyiti, örp - adetliri”, “Béyjingning milletler siyasiti heqqide mulahize”, “Tibet sürgünde hökümitining omumiy ehwali”, “Yoqilip kétish tarixning yoqilip kétishidur”, “Uyghurlar duchar boluwatqan xewpler”, “Musulmanlar, muqimliq: xitaydiki Uyghur mesilisi” qatarliq témilarda doklat berdi.

Axirida enwer toxti bilen qeyser abdurusulmu qatnashqan yumilaq üstel yighini ötküzüldi. Buningda Uyghur mesilisi toghrisida erkin munazire élip bérildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.