Тонулған рәссам мәрвайит һапиз ханим мәхсус рәсим көргәзмиси ачти

Мухбиримиз әркин тарим
2014-12-02
Share
merwayet-hapiz-germaniye-resim-korgezme.jpg Тонулған рәссам мәрвайит һапиз ханимниң мәхсус рәсим көргәзмиси
RFA/Erkin Tarim


12 - Айниң 1 - күни германийәниң мюнхен шәһиридә тонулған рәссам мәрвайит һапиз ханимниң мәхсус рәсим көргәзмиси ечилди.

Психологийә академийәсиниң рәсим көргәзмә залида ечилған ечилиш мурасимиға германийәдики тонулған рәссамлар, рәсим һәвәскарлири вә аммидин болуп көп санда киши қатнашқан. Ечилиш мурасимиға д у қ иҗраийә комитети рәиси долқун әйса әпәнди, уйғур қәләмкәшләр җәмийити мәсули қәйсәр өзхун әпәндиләрму қатнашқан. 2014 - Йили 12 - айниң 1 - күнидин 2015 - йили 1 - айниң 27 - күнигичә икки ай давам қилидиған бу көргәзмигә мәрвайит һапиз ханим сизған 70 парчә рәсим қоюлған болуп, рәсимләрдә қәшқәрниң тарихи өйлири, қәдимий кочилири, уйғурларниң турмуши вә мәдәнийити әкс әттүрүлгән. Д у қ иҗраийә комитети рәиси долқун әйса әпәнди мәрвайит һапиз ханимниң явропадики 18 йиллиқ рәссамлиқ һаятиға юқири баһа берип мундақ деди:

Мәрвайит һапиз ханим явропада бешидин өткүзгән 18 йиллиқ рәссамлиқ һаятида нурғун қийинчилиқларға қаримастин дуняниң һәрқайси җайлирида нурғун көргәзмиләргә қатнашти вә өзиниң мәхсус көргәзмилирини ачти. явропалиқлар сиясәттин көпрәк мәдәнийәт - сәнәткә қизиқиду. Мәрвайит ханим рәсимлири арқилиқ уйғурларни дуняға тонутушқа болупму явропаға тонутушқа зор төһпиләрни қошти.

Уйғур қәләмкәшләр җәмийити мәсули қәйсәр өзхун әпәнди мәрвайит һапиз ханимниң чәтәлдила әмәс бәлки уйғур елидиму тонулған бир уйғур рәссам икәнликини, уйғур рәссамлиқ тарихида өзигә хас бир услубни яратқанлиқини оттуриға қойди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт