Moskwada Uyghur sen'et kéchiliki ötküzüldi

Muxbirimiz erkin tarim
2016-10-30
Élxet
Pikir
Share
Print
Moskwada ötküzülgen Uyghur sen'et kéchilikidin bir körünüsh
Moskwada ötküzülgen Uyghur sen'et kéchilikidin bir körünüsh
RFA/Erkin Tarim


Rusiye fédératsiyesining paytexti moskwada Uyghur sen'et kéchiliki ötküzüldi. 10 - Ayning 24 - küni axsham ötküzülgen Uyghur sen'et kéchiliki xelq'araliq Uyghur tetqiqati ilmiy muhakime yighinining 2 - küni ötküzülgen bolup, kéchilikke qazaqistan jumhuriyetlik Uyghur tiyatirining tonulghan temburchisi murat noruzow, dutarchi ümitjan qasimow, qirghizistanliq tonulghan Uyghur naxshichi shöhret yaqupof qatarliqlar alahide teklip boyiche ishtirak qilip, Uyghur naxsha - muzikiliridin örnekler körsetti.

Bulardin sirt yene bezi chet'ellik mutexessislermu dutar chélip naxsha éytip, usul oynap yighin ehlining qattiq alqishigha muyesser boldi. Tonulghan tembürchi murat noruzow tembür bilen bir yürüsh muzikilarni orunlidi.

Amérika qoshma shtatliri indi'ana uniwérsitétining doktor aspiranti andérson elisa xanim yéqinqi yillardin buyan Uyghur diyarida hemme kishi qiziqip anglaydighan "Barghum yoq méning, meshrep yoq yerge" dégen naxshini dutar bilen tengkesh qilip oqup, yighin ehlining yuqiri alqishigha érishti.

Uyghur sen'et kéchiliki axirlashqandin kéyin, ziyaritimizni qobul qilghan qazaqistandiki abay uniwérsitéti oqutquchisi doktor alimjan hemrayéw ependi, chet'ellik Uyghurshunaslarning Uyghurlarning tili, edebiyati, jem'iyiti we Uyghur mesilisini tetqiq qilipla qalmastin, belki yene Uyghurlarning sen'itinimu nahayiti yaxshi özleshtürginige heyran qalghanliqini bayan qildi.

Gérmaniye götinggen uniwérsitéti oqutquchisi doktor ablet semet ependi Uyghur sen'et kéchilikining yaxshi ötkenlikini, özining qattiq tesirlen'genlikini bayan qildi.

Doktor alimjan hemrayéw ependi 24 - öktebir küni axsham ötküzülgen Uyghur sen'et kéchilikining dunyaning herqaysi jayliridin kelgen mutexessislerning öz'ara chüshinishi üchün zor ehmiyetke ige ikenlikini bayan qildi.

Doktor ablet semet ependi chet'ellik Uyghurshunaslarning Uyghur tetqiqatida muweppeqiyet qazinishidiki sewebler toghrisida toxtaldi.

Doktor alimjan hemrayéw ependi rusiye penler akadémiyisi sherqshunasliq institutining mes'uli dmitriy wasilyéwning zor küch chiqirishi bilen moskwada ötküzülgen bu qétimqi pa'aliyetning Uyghur tetqiqatining kélechiki üchün zor ehmiyetke ige ikenlikini bayan qildi.

Bu pa'aliyetni sherqshunasliq instituti bilen moskwadiki Uyghur medeniyet uyushmisi birlikte ötküzdi.

23 - Öktebir künidin 26 - öktebir künigiche dawamlashqan xelq'araliq Uyghur tetqiqati ilmiy muhakime yighini jeryanida Uyghur ressamliri yene resim körgezmisimu achqan idi.

Toluq bet