Serkan dénchtürk: musteqilliq heriketlirimiz menggü toxtap qalmaydu

“Asarettiki türk islam döliti sherqiy türkistan” namliq yighindin bir körünüsh

23 - May échilghan “Asarettiki türk islam döliti sherqiy türkistan” namliq yighinda söz qilghan qazaq pa'aliyetchi serkan dénchtürk ependi, musteqilliq heriketler toghrisida söz qilip, sherqiy türkistan musteqilliq heriketlirining adaqqiche dawam qilidighanliqini bildürdi.

Yighinni merkizi türkiyening xoja'éli shehirige jaylashqan karamürsel yesewi chüshenche, ma'arip, medeniyet we ijtima'iy hemkarliq jem'iyiti uyushturghan bolup, yighin'gha qazaq türkliri telim - terbiye we hemkarliq jem'iyitining re'isi serkan dinchtürk ependimmu teklip bilen qatnashqan idi.

Yighin'gha karamürsel nahiye hakimi exmet narin'oghli, sheher bashliqi wekili mes'ut chetinkaya, nahiyilik diniy ishlar bashqarmisining muptisi yilmaz küchük, siyasiy partiyilerning wekilliri, ülkü ojaqliri we ammiwi teshkilatlarning mes'ullirimu kishi qatnashti.

Échilish murasimida karamürsel yesewi chüshenche, ma'arip, medeniyet we ijtima'iy hemkarliq jem'iyitining re'isi emrah atesh ependi söz qilip, milliy we meniwi hés tuyghu angdin uzaqliship ketken bir dewrde yashawatqanliqini, aktip xizmet qilish arqiliq bu boshluqni toldurushni xalaydighanliqini, türk dunyasi we islam joghrapiyesining qiyinchiliq mesililirini küntertipke keltürüsh üchün eyni dewrde türk millitining qelbige öchmes izlar basqan exmet yesewiyning ögetken telimlirini yétekchi qilidighanliqini bildürdi.

Yighinda söz qilghan qazaq türkliri telim - terbiye we hemkarliq jem'iyitining re'isi serkan dénchtürk xitayning zulum we bésimlirini anglatti. Serkan déchntürk eyni zamanda öz a'ilisining qumulda béshigha kelgen éghir paji'elerni anglitip köz yashlirini tutalmidi.

Serkan dénchtürk ependi, musteqilliq heriketler toghrisida söz qilip, sherqiy türkistan'gha qarshi rusiye we xitayning ortaq heriket qilghanliqini bildürdi we nesillirimiz dawam qilghan muddetkiche musteqilliq heriketlirimiz toxtap qalmaydu, dédi.

Serkan dénchtürk sözide yene xitay ishghali, qetli'amlar, sürgün we köchmenlik hayat toghrisida toxtaldi.

Serkan dénchtürk ependi sözide yene sherqiy türkistanda yüz bergen mesililerning hel qilish chariliri üchün xitay da'iriliri emeldarlirini di'alog ötküzüshke chaqiriq qildi we qirim mesilisi toghrisida rusiyege qarshi meydanda turushni tewsiye qildi.

Yighin'gha qatnashquchilarning sani xéli köp bolup sherqiy türkistan mesililirini pütün diqqet bilen anglidi we beziliri köz yéshi qildi.

Serkan déchntürk sözide yene, sherqiy türkistanning dini we milliy jehette hem türkiye hem bashqa musteqil türk jumhuriyetlerning yéqindin köngül bölüshi kéreklikini tekitlidi we mundaq dédi: chünki bügün sherqiy türkistan'gha hökümran bolghan sériq xewpning asasi meqsiti yéqin kelgüside sébiriye we qazaqistan üstige quridighan nopus hakimiyiti bilen dunya lidéri bolush we dunyagha hökümranliq qilish. Sherqiy türkistandiki, rayondiki türklerning asasi arzu - iradisi bolsa öz yurtlirida örp - adet medeniyetliri bilen, étiqadi bilen dini we milliy salahiyiti bilen insandek yashash hoquqqa ige bolush we erkinlik muhitning berpa bolushidur.”

Yighin axirida yighin ehlining sherqiy türkistan me'islsi toghrisida sorighan so'allirigha jawab berdi. Bir kishining, türkiye sherqiy türkistan üchün néme qilishi kérek dégen so'aligha jawab bérip mundaq dédi: “Eger türkiye küchlük bolup rayonda qanchilik tesiri da'irisi kéngeyse bizning toluq musteqilliqimizni qolgha keltürüshte bizlerge eng chong yardem qilidighanliqigha ishinimiz. Yurtimizdiki qetli'amlarning toxtitilishida eng chong rol oynaydighan rolchi türkiyedur” dédi.

Yighin axirida serken dénchtürk ependige karamürsel yesewi chüshenche we telim terbiye, medeniyet we ijtima'iy hemkarliq jem'iyiti re'isi emrah atesh ependi teripidin teshekkür bildürüp teqdirname teqdim qilindi.