Уйғур паалийәтчиләр норвегийәдики йәрлик самилар парламентини зиярәт қилди

Ихтиярий мухбиримиз әкрәм
2018-06-13
Share
sami-parlament-uyghur-wekil.jpg Норвегийәдики уйғур сиясий актиплири самилар парламенти ташқи ишлар хадими җон җентал(оңдин иккинчи) билән. 2018-Йили 12-июн, норвегийә, осло.
RFA/Ekrem

12-Июн күни ослодики уйғур сиясий актиплири норвегийәдики йәрлик милләт - самилар вә уларниң парламентини зиярәт қилип, уларға уйғур мәсилисини аңлатқан.

Дуня уйғур қурултийи иҗраийә комитетиниң муавин рәиси сәмәт абла, норвегийә уйғур комитетиниң рәиси бәхтияр өмәр вә мәзкур комитетниң һәйәт әзаси хәлчәм мәмтимин ханимдин тәркиб тапқан уйғур вәкилләр өмики 12-июн күни норвегийә пайтәхти ослодин шималға маңғанда 2000 километир йирақлиқтики самилар парламенти җайлашқан карасяк шәһиригә берип, уйғурлар мәсилисини тонуштурған.

Сикандинавийә йерим арилиниң шималий қисмиға, йәни норвегийә, шиветсийә вә русийә федератсийәсиниң кесишкән районлириға тарқилип олтурақлашқан, шималий қутуп етәклиридә яшайдиған қәдимий милләт-самилар зади ким?

Сами парламентида зиярәттә болуватқан д у қ иҗраийә комитетиниң муавин рәиси сәмәт абла әпәнди зияритимизни қобул қилип, бу һәқтә чүшәнчә бәрди. У сикандинавийә йерим арилиниң йәрлик аһалиси болған қәдимий милләт самиларниң илгирики заманларда худди һазирқи уйғурларға охшашла күлпәтлик һаятларни баштин кәчүргән бир хәлқ икәнликини тилға алди.

Уйғур вәкиллириниң билдүрүшичә, "сами" дегән бу сөз һәм милләтниң һәм җуғрапийәлик районниң һәм бу милләт ишлитиватқан қәдимий тилниң ортақ нами икән. Норвегийәдики сами райониниң мәркизи һесабланған карасйоктин зияритимизни қобул қилған норвегийә уйғур комитетиниң рәиси бәхтияр әпәнди самиларға уйғур мәсилисини тонуштурушниң реал әһмийити һәққидә пикир баян қилди. Норвегийә уйғур комитетиниң һәйәт әзалиридин хәлчәм ханимму бу һәқтә өз тәсиратлири вә қарашлирини билдүрүп өтти.

Игилишимизчә, норвегийәниң шималий қисмидики карасйок шәһиридә турушлуқ самилар парламентини зиярәт қиливатқан уйғур вәкиллириниң паалийәтлири 3 күн давам қилидикән. Бу җәрянида улар сикандинавийәдики қәдимий йәрлик милләт самиларниң өз әркинлики вә һәқ-һоқуқлири йолида елип барған күрәшлири тоғрисидики тәҗрибә-савақлирини өгинидикән. Шуниң билән бир вақитта йәнә нөвәттә күнсери яманлишиватқан уйғурлар вәзийитини сами хәлқигә аңлитиш йолида теришчанлиқлар көрситидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт