Pakistanda Uyghurlarning ikki jumhuriyetni xatirilesh pa'aliyiti saqchilarning dexlisige uchridi

Muxbirimiz shöhret hoshur
2015-11-13
Share
pakistan-omer-uyghur-wexpi.jpg Ömer Uyghur wexpining "Sherqi türkistan jumhuriyetlirini xatirilesh" pa'aliyiti
Photo: RFA


Pakistanda pa'aliyet élip bériwatqan ömer Uyghur wexpi tünügün yeni 12 - noyabir küni "Sherqi türkistan jumhuriyetlirini xatirilesh" pa'aliyiti üchün hazirliq qiliwatqan mezgilide pa'aliyet sorunigha ikki neper pakistan dölet bixeterlik xadimi kirip kelgen, ular neq meydanni resimge alghandin kéyin ötküzülmekchi bolghan pa'aliyet heqqide melumat sorighan, arqidin bundaq bir pa'aliyetning pa'aliyet ötküzgüchiler üchün yaxshi bir aqiwet élip kelmeydighanliqini eskertken. Tehdit puriqidiki bu agahlandurush mezkur pa'aliyetni uyushturushqa hemkarlishiwatqan bezi pakistanliqlarni endishige sélip qoyghan. Netijide ömer Uyghur wexpi pakistanliq hemkarlashquchilirining teklipige bina'en ikki jumhuriyetni qeshqer rabat yeni qeshqer méhmanxanisida katta ötküzüshtin waz kéchip, bir a'ilide ötküzgen.

Ömer Uyghur wexpining katipi ekperjanning bildürüshiche, pakistandiki Uyghur pa'aliyitining pakistan dölet bixeterlik ishliri bilen héchqandaq alaqisi yoq, bu nuqta Uyghur pa'aliyetchilirigimu, pakistan saqchilirighimu besh qoldek ayan iken.

Emma, pakistandiki xitay elchixanisi pakistandiki Uyghurlarning pa'aliyitige qarita heddidin ziyade sezgür bolghachqa, bolupmu yéqinqi yillardin béri xitay, pakistan dostluqi sherqi türkistan mesilisidiki meydan birlikini muhim shert qilghachqa, "Sherqi türkistan jumhuriyetlirini xatirilesh" tin ibaret Uyghurlar üchün ehmiyetlik bir pa'aliyet pakistandiki xitay elchixanisini qattiq bi'aram qilghan.

Ekperjanning perez qilishiche yene, xitay elchixanisining izchil telep qilishi netijiside, pakistan dölet bixeterlik küchliri bu qétimliq pa'aliyetke dexli qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet