Qeyseridiki 81 Uyghur yétimge yardem puli tarqitip bérildi

Ixtiyariy muxbirimiz erkin tarim
2017-09-11
Share
yetimlerge-yardem.JPG Enqerediki Uyghur jama'itining wekilliri qeyseridiki Uyghur yitim balilargha mukapat tarqatmaqta. 2017-Yil 8-sintebir, qeyseri, turkiye.
RFA/Erkin

Yéqinqi yillardin béri xitayning Uyghurlargha élip bériwatqan bésim siyasitining küchiyishige egiship türkiyege her xil yollar bilen kelgen Uyghurlarning sanimu köpeydi. Ishenchlik menbelerdin igiligen melumatlargha asaslan'ghanda 2014 we 2015-yilliri malayshiya we tayland arqiliq 7000 etrapida Uyghur türkiyege kélip olturaqlashqan bolup, bularning ichidin 2 ming etrapida Uyghur qeyseridiki dölet qoru jayida waqitliq turmaqta.

Bularning köpi tul ayal, kichik balilardin terkib tapqan bolup, bularning ichide 81 yétim bala bar iken. Enqerediki Uyghurlar bu balilarning kiyim-kéchek élip kiyishi, depter-qelem élip ishlitishi üchün pul tarqatti. Enqerediki Uyghurlar namidin chish doxturi abdulkérim bughra bashchiliqidiki hey'et 9-ayning 8-küni qeyserige bérip 81 yétim baligha pul tarqitip berdi. 

Chish doxturi abdulkérim ependi qurban héyt axirliship türkiyediki bashlan'ghuch ottura mektepler ders bashlash aldida, Uyghur yétim balilarni söyündürüsh üchün bu yardem pa'aliyitini uyushturghanliqini bayan qildi. 

Kéyin mirkamil qeshqerli we ana til pa'aliyetchisi abduweli ayup ependi balilarning ismini bir-birlep chaqirip oqughuchilarni oqushqa righbetlendürüp 81 yétim baligha pul tarqitip berdi. Yétim balilarning köpi pul yardimi tarqatqanlargha rehmet éytidighanliqini, pulgha depter-qelem alidighanliqini bayan qilishti.  

Bu balilargha mes'ul bolghan imin qari hazir qeyseride 81 yétim barliqini, bularning beziliri dölet mektipige yézilghan bolsimu köpining qoru ichide qur'an we til kursigha qatnishiwatqanliqini, qurban héytidin kéyin mektepler ders bashlashtin burun bu yardem pulini tarqitip bergenliki üchün rehmet éytidighanliqini bayan qildi. 

Enqerediki Uyghurlargha wakaliten Uyghur musapir yétim balilargha pul tarqitip bergen abdulkérim bughra ependi yétim balilarni körüp könglining yérim bolghanliqini tekitligendin kéyin, dunyaning her qaysi jayliridiki Uyghurlarni bularning béshini silishi kéreklikini bayan qildi.   

Bir qisim balilardin, "Ata-aningiz barmu" dep sorighinimizda ularning köp qismi "Dadam yoq, dadam türmide, anam türmide, dadam wapat bolghan," dep jawab berdi. Bu balilarning ata-ana, aka-uka we acha-singil söygüsige éhtiyaji barliqini hés qilduq. Imin qari ependi dunyaning herqaysi jayliridiki Uyghurlarning maddiy jehettin yardem qilalmisimu bu balilarni yoqlap béshini silap turushi kéreklikini bayan qildi. 

Bu oqughuchilarning az bir qismi dölet mektipige yézilghan bolsimu köpi mehellidiki qur'an kursi we til öginish siniplirida oquwatqan bolup, enqeredin kelgen Uyghurlar bularni dölet mektipide oqushqa righbetlendürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet