Рабийә қадир ханим башчилиқидики вәкилләр японийәдә зиярәттә болиду

Баш штаби вашингтондики хәлқара уйғур кишилик һоқуқ, демократийә фондиниң японийәдики вәкили доктор турмуһәммәт һашимниң ашкарилишичә, дуня уйғур қурултийи рәиси рабийә қадир ханим башчилиқидики д у қ вәкиллири 28 - январдин башлап японийәдә рәсмий зиярәттә болидикән.

Вәкилләр өмики бир қисим японийә парламент әзалири, японийә парламентидики уйғур достлуқ гурупписиниң вәкиллири учришип бир қатар сөһбәтләрни елип баридикән.

Доктор турмуһәммәт һашимниң билдүрүшичә, рабийә қадир ханим японийә зиярити җәрянида 2014 - йили уйғур елидә йүз бәргән қанлиқ вәқәләр һәққидә японийәдики ғоллуқ сиясий тәшкилат рәһбәрлири билән сөһбәт өткүзидикән.

Ундин башқа йәнә рабийә қадир ханим башчилиқидики вәкилләр японийәдики уйғур җамаити билән учришип, японийәдә бундин кейин елип берилидиған уйғур давасиниң истратегийәлик пиланлири һәққидә музакирә елип баридикән.

Диққитиңлар, доктор турмуһәммәт һашим билән бу һәқтә елип барған сөһбәттә болғай.