Yaponiye bash ministir yardemchisi we yaponiye dölet bixeterlik komitétining sabiq ministiri rabiye qadir xanimni qobul qildi

Ixtiyariy muxbirimiz haji qutluq qadiri
2016-06-03
Share
rabiye-qadir-yaponiye-bash-ministir-yardemchisi-eto-seiji.png Rabiye qadir xanim yaponiye bash ministir yardemchi éto sé'iji bilen bille
RFA/Haji Qutluq Qadiri

2 - Iyun yaponiye bash ministir yardemchi éto sé'iji we yaponiye dölet bixeterliki komitétining sabiq ministiri furiya ké'iji dunya Uyghur qurultiyining re'isi rabiye qadir xanimni qobul qildi.

Yaponiyede ziyarette boluwatqan dunya Uyghur qurultiyi wekilliri bügün yaponiye parlaméntida ziyarette bolghanda yaponiye bash ministir yardemchisi éto sé'iji we yaponiye dölet bixeterlik komitétining sabiq ministiri furiya ké'iji dunya Uyghur qurultiyi re'isi rabiye qadir xanimni ayrim - ayrim qobul qilip söhbette boldi.

Rabiye qadir xanim yaponiye dölet bixeterliki komitétining sabiq ministiri furiya ké'iji bilen bille
Rabiye qadir xanim yaponiye dölet bixeterliki komitétining sabiq ministiri furiya ké'iji bilen bille

Rabiye qadir xanimning yaponiye bash ministir yardemchisi éto sé'iji we dölet bixeterlik komitétining sabiq ministiri furiya ké'iji bilen élip barghan söhbetliri yépiq shekilde ötküzüldi.

Dunya Uyghur qurultiyi re'isi rabiye qadir xanim yépiq söhbetliridin kéyin, kechte yaponiye parlaménti yighin zalida yaponiye parlamént ezalirigha, yaponiye parlaménti Uyghur dostluq guruppisi we Uyghur mesilisini qollighuchi bir qisim siyasetchilerge nöwettiki Uyghur weziyiti we Uyghur musapirlar mesilisi toghrisida doklat berdi.

Rabiye qadir xanimning doklati chüshtin kéyin sa'et töt yérimdin alte yérimgha qeder dawam qildi.

Doklatqa yaponiye takushuko uniwérsitétining xelq'ara mesililer mutexessisi proféssor fuji génki riyasetchilik qildi,

Biz rabiye qadir xanimning yaponiye parlaméntidiki bir qatar pa'aliyetliri we doklatidin kéyin, xanimning bügun élip barghan yépiq uchirishishliri toghrisida söhbet élip barduq.

Yuqiriqi awaz ulinishidin tepsilatini anglang,

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet