Rusiye türkiyege iqtisadiy émbargo élan qildi

Shenbe küni rusiye da'iriliri türkiyege qarishi bir qatar iqtisadiy émbargo qoyulghanliqini élan qildi. BBC Ning xewer qilishiche, mezkur qarargha rusiye prézidénti putin imza qoyghan. Rusiyening bu qarari türkiyening rusiye ayropilanni étip chüshürüsh weqesi seweblik ikki terep munasiwetliri taza jiddiyleshken mezgilge hemde düshenbe küni parizhda échilidighan kilimat yighinning aldighan toghra keldi.

Émbargo, türk import mehsulatliri, rusiyede soda qilidighan türk shirketliri we rus shirketliride ishleydighan türk puqralirini cheklesh qatarliqlarni öz ichige alidiken.
B d t parizhda chaqiridighan bu nöwetlik dunya kilimat yighinigha türkiye we rusiye rehberlirimu qatnishidu.

Jüme künki xewerlerde rejep tayyp erdughanning parizhda rusiye prézidénti putin bilen körüshüshni xalaydighanliqi körsitilgen.

Halbuki, putining yardemchisi yu'i ushakow putinning erdughan bilen körüshni ret qilghanliqini bildürgen bolsimu, emma krémil da'iriliri erdughanning körüsh telipi heqqidiki resmiy qararini téxi élan qilmighan.

24 - Noyabir türkiyening F - 16 tipliq küreshchi ayropilani rusiyening SU - 24 tipliq bir ayropilanini étip chüshürüwetken.

Türkiye terep rus ayropilanining türkiye hawa boshluqigha üsüp kirip, türkiyening igilik hoquqigha dexli qilghanliqini körsetse, rusiye hujumning süriye chégrasi ichide bolghanliqini ilgiri sürgen. Netijide her ikki terep mesiliside bir ortaq pikir hasil qalalmighan idi.

Shundin kéyin ikki terep munasiwetliri jiddiy soghuqliship, rusiye türkiyege qaritilghan rus sayahetchilikini toxtatqan, rus puqralirining türkiyege wizisiz kirish tüzümini bikar qilghan we türkiye yéza igilik mehsulatlirigha émbargo qoyidighanliqidin shepe bergen.

Erdughanmu peyshenbe küni amérika téléwiziyesi CNN ning ziyaritini qobul qilghanda, rusiye tereptin epu sorimaydighanliqini éytqan idi.

Türkiye rusiyening 2 - chong soda shériki, bu nöwetlik émbargoning türkiyening iqtisadigha qandaq ziyanlarni élip kélidighanliqi hazirche melum emes.