Xitay qirghizistan'gha üch milyard dollar meblegh salmaqchi

Xitayning dölet re'isi shi jinpingning qirghizistandiki ziyariti dawamlishiwatidu. Qirghizistan prézidénti almasbék atambayif bilen xitayning dölet bashliqi ikki döletning istratégiyelik shériklik munasiwiti ornitish heqqidiki toxtamnamige qol qoyushti.

Buningdin bashqa ikki terep otturisida tashyol hem tömür yol qurulushi,tebi'iy gaz liniyisi qurulushi, méditsina sahesi, iqtisadi hemkarliq qatarliq yette kélishimname tüzüldi. Bu kélishimlerge asasen xitay terep qirghizistan'gha üch milyard dollar meblegh salidu. Xitay re'isi bügün qirghizistanning qara balta shehiridiki xitay terep meblegh sélip qurup bergen, yiligha 800 yüzming tonna néfitni bir terep qilalaydighan néfit ayrish zawutining ish bashlash murasimigha qatnashqanda, qirghiz terepning telipige asasen bu zawutning kéngeytip qurulushi üchün yene 400 milyon dollar seripleshke qoshulghanliqini, shuningdek qirghizistanda xitay méditsina merkizi qurush, “Yipek yoli iqtisadi hemkarliq belbighi” tesewwurini emelge ashurush qatarliq jehetlerde chüshinish hasil qilin'ghanliqini bildürdi.

Xitay dölet re'isining bu qétimqi ottura asiya sepiride énérgiye bayliqliri sahesige alahide köngül bölüwatqanliqidiki sewebler heqqide qirghizistandiki péshqedem ziyaliy ömer ibrahim öz qarashlirini bildürdi.