Shiwétsiyediki térrorchilargha lenet oqush namayishigha Uyghurlarmu qatnashti

Ixtiyariy muxbirimiz éhsan
2015.09.14
shiwetsiye-terror-qarshi-1.jpg Shiwétsiyediki Uyghurlarmu qatnashqan térrorchilargha lenet oqush namayishidin körünüsh. 2015-Yili 13-séntebir, sitokholm.
RFA/Éhsan

Shiwétsiyede pa'aliyet qiliwatqan yawropadiki türk ammiwi teshkilatlar birlikte teshkillinip türkiyede küchiyip kétiwatqan térror hujumlirini lenetlidi.

Shiwétisyening paytexti sitokholmning sirgil meydanida 13-séntebir küni chüshtin kéyin 14:00 din 16:00 giche namayish ötküzüldi.

Türk ishchi pédratsiyuni, yawropa türk démokratlar birlikining shiwétsiye shöbisi, teqwa jem'iyiti, türk ayallar pédratsiyuni, ezerbeyjan pédratsiyuni, türkmenler jem'iyiti, shiwétsiye Uyghur ma'arip uyushmisi we shiwétsiyede yashawatqan türk, kurd, ézer, türkmen bolup texminen 1000 din artuq kishiler qatnashti.

Sherqiy türkistanning bayriqini kötürüwalghan Uyghurlar “Shéhitlar ölmes, weten parchilanmas” dégendek sho'arlar bilen bille yene térrorchilargha lenet bolidighan sho'arlarni teng towlidi.

Bu namayishqa aktip awaz qoshqan Uyghur ma'arip uyushmisi namayishning awaz yangratqulirini seplesh we tengshesh xizmitini üstige élip namayish awazning yangraq tarqilishigha kapaletlik qildi.

Biz namayish axirida, namayishqa qatnashqan Uyghur ma'arip uyushmisining bash katipi abdulla ehetni ziyaret qilduq.

Abdulla ehed sözide, türkiyening tereqqiy qilishi we xelqining xatirjem turmushigha ziyan sélip kéliwatqan kommunist idé'ologiyisidiki dölet,teshkilatlargha reddiye bérish bilen birge, Uyghurlargha ige chiqip kéliwatqan türk hökümiti we xelqi üchün bundaq musibetlik künlerde ulargha maddiy we meniwi jehette yardemde bolidighanliqini ipade qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.